നടിയും അവതാരികയുമായ ദേവിക നമ്പ്യാർ അമ്മയായി. ഭർത്താവും ഗായകനുമായ വിജയ് മാധവാണ് സന്തോഷവാർത്ത പങ്കുവെച്ചത്. ഇൻസ്റ്റഗ്രാമിലൂടെയാണ് ഇരുവരും കുഞ്ഞ് പിറന്ന വിവരം പുറത്തുവിട്ടത്. ‘ആദ്യത്തെ കണ്മണി ആൺകുട്ടിയാണ്. ഞങ്ങൾക്ക് വേണ്ടി പ്രാർത്ഥിച്ച എല്ലാവർക്കും ഒരുപാട് സ്നേഹം നന്ദി,”എന്നാണ് സന്തോഷം പങ്കുവച്ച് വിജയ് ഇൻസ്റ്റാഗ്രാമിൽ കുറിച്ചത്.
സമൂഹമാദ്ധ്യമങ്ങളിൽ സജീവമാണ് ഇരുവരും. ഇവർക്ക് സ്വന്തമായി യൂട്യൂബ് ചാനലുമുണ്ട്. ഇരുവരുടെയും വിശേഷങ്ങൾ ചാനൽ വഴി പങ്കുവെയ്ക്കാറുണ്ട്. ‘ നോർമൽ ഡെലിവറിയായിരുന്നു. ഒരുപാട് പേരുടെ പ്രാർത്ഥനകൾ ഒപ്പമുണ്ടായിരുന്നു. ആദ്യത്തെ കണ്മണി ആൺകുട്ടിയാണ്. ഞങ്ങൾക്ക് വേണ്ടി പ്രാർത്ഥിച്ച എല്ലാവർക്കും ഒരുപാട് സ്നേഹം’. ഇപ്പോൾ തന്നെ അറിയിക്കണം എന്ന് തോന്നിയതുകൊണ്ടാണ് ഹോസ്പിറ്റലിൽ നിന്ന് കുട്ടി വീഡിയോ ഇടുന്നതെന്നും ഇൻസ്റ്റഗ്രാമിൽ പങ്കുവെച്ച വീഡിയോയിൽ പറയുന്നു.
കഴിഞ്ഞ ദിവസമാണ് ദേവികയയെ തിരുവനന്തപുരത്തെ ആശുപത്രിയിൽ പ്രവേശിപ്പിച്ചത്. ആശുപത്രിയിൽ അഡ്മിറ്റ് ആയ വിവരം ഒക്കെ തന്നെ ഇവർ വീഡിയോ വഴി ആരാധകരിലേക്ക് എത്തിച്ചിരുന്നു.
