മുംബൈ: ഫോണിലെ എസ്എംഎസിൽ വന്ന ലിങ്ക് ക്ലിക്ക് ചെയ്തു. ചലച്ചിത്ര താരം നഗ്മയ്ക്ക് ഒരു ലക്ഷം രൂപ നഷ്ടമായി. ബാങ്കുകൾ അയക്കുന്നതിന് സമാനമായ സന്ദേശമാണ്് നടിക്ക് ലഭിച്ചത്. ലിങ്കിൽ ക്ലിക്ക് ചെയ്ത ഉടൻ ഒരു ഫോൺ കോൾ വന്നു. ഇത് കൈവെസി അപ്ഡേറ്റ് പൂർത്തീകരിക്കാനുള്ള ലിങ്കാണെന്നും അതിനാൽ കൂടുതൽ വിവരങ്ങൾ നൽകാനും ആവശ്യപ്പെട്ടു. എന്നാൽ വിവരങ്ങൾ താൻ നൽകിയില്ല. നിരവധി ഒടിപികളാണ് തനിക്ക് ലഭിച്ചു, ഭാഗ്യവശാൽ, എനിക്ക് വലിയ തുക നഷ്ടമായില്ല’ എന്നും നഗ്മ കൂട്ടിച്ചേർത്തു.
അവതാരക ശ്വേതാ മേമനും സൈബർ തട്ടിപ്പിന് ഇരയായിരുന്നു. ഇവരെ കൂടാതെ 80-ഓളം പേർക്കാണ് കഴിഞ്ഞ ദിവസങ്ങളിൽ പണം നഷ്ടമായത്. ശ്വേത മേമന്റെ 57,636 രൂപയാണ് നഷ്ടമായത്. ഇൻറർനെറ്റ് ബാങ്കിംഗിനിടയിലാണ് ഇവർ തട്ടിപ്പിനിരയായത്. യൂസർ ഐഡിയും പാസ്വേർഡും ബാങ്ക് വെബ്സൈറ്റിൽ നൽകിയതിന് പിന്നാലെ ബാങ്കിൽ നിന്നെന്ന് പറഞ്ഞ് ഫോൺ കാൾ വന്നു.പിന്നീട് നഗ്മയുടേതിന് സമാന സംഭവമാണ് ഇവർക്ക് നടന്നത്.
സൈബർ തട്ടിപ്പിന് പിന്നാലെ നടി ശ്വേത മേനോന് പണം നഷ്ടമായതായി വ്യാജ പ്രചരണം ഉണ്ടായിരുന്നു. ഇതിനെതിരെ ശ്വേത മേനോൻ തന്നെ രംഗത്ത് വന്നിരുന്നു. ശ്വേത മേമൻ എന്ന പേര് തെറ്റിദ്ധരിച്ചാണ് ശ്വേത മേനോൻ ആയത് എന്ന് പിന്നീട് വ്യക്തമായി.
Comments