ന്യൂഡൽഹി: കോൺഗ്രസ് നേതാവ് രാഹുൽഗാന്ധിക്കെതിരെ രൂക്ഷ വിമർശനവുമായി ഉപരാഷ്ട്രപതി. ഇന്ത്യയിലെ ജനാധിപത്യത്തെ ലോകം വാഴ്ത്തുമ്പോൾ ചിലർ മോശമെന്ന് വരുത്താൻ ശ്രമിക്കുന്നുവെന്ന് ജഗ്ധദീപ് ധൻക്കർ പരോക്ഷമായി കുറ്റപ്പെടുത്തി. എംപി വിദേശത്ത് നടത്തിയ പരാമർശങ്ങളിൽ മൗനം പാലിച്ചാൽ അത് ഭരണഘടനവിരുദ്ധമാകുമെന്നും ജഗ്ദീപ് ധൻകർ പറഞ്ഞു.
മുൻ പാർലമെന്റേറിയനായ കരൺ സിങ്ങിന്റെ മുണ്ഡകോപനിഷത്തിനെക്കുറിച്ചുള്ള പുസ്തകം പ്രകാശനം ചെയ്യുന്ന ചടങ്ങിൽ സംസാരിക്കവെയാണ് രാഹുൽ ഗാന്ധിയുടെ ലണ്ടനിൽ നടത്തിയ പരാമർശങ്ങളെക്കുറിച്ച് ധൻകർ പ്രതികരിച്ചത്.
‘ലോകം നമ്മുടെ ചരിത്രപരമായ നേട്ടങ്ങളെയും പ്രവർത്തനപരവും ഊർജ്ജസ്വലവുമായ ജനാധിപത്യത്തെ അഭിനന്ദിക്കുകയാണ്. പാർലമെന്റംഗങ്ങൾ ഉൾപ്പെടെയുള്ള ചിലർ അമിതമായ ആവേശത്തിൽ, നമ്മുടെ നന്നായി ജനാധിപത്യ മൂല്യങ്ങളെ ചിന്താശൂന്യവും അന്യായവുമായ രീതിയിൽ അവഹേളിക്കുന്നു അദ്ദേഹം പറഞ്ഞു.
Comments