ശാരീരിക ബുദ്ധിമുട്ടുകളെ തുടർന്ന് തെലുങ്ക് താരം പ്രഭാസ് ചികിത്സയിൽ. കടുത്ത പനി അനുഭവപ്പെട്ടതിനാൽ തുടർ ചികിത്സക്കായി വിദേശത്ത് കൊണ്ട് പോകാൻ സാധ്യതയുണ്ടെന്നും വിവരങ്ങൾ പുറത്തു വരുന്നുണ്ട്. അദ്ദേഹത്തിന്റെ പുതിയ ചിത്രങ്ങളുടെ ഷൂട്ടിംഗ് താൽക്കാലികമായി നിർത്തിവച്ചെന്നാണ് ലഭിക്കുന്ന വിവരം.
ഇടവേളയില്ലാതെ നടന്ന സിനിമ ചിത്രീകരണം നടന്റെ ആരോഗ്യത്തെ പ്രതികൂലമായി ബാധിക്കുകയായിരുന്നുവെന്നാണ് ലഭിക്കുന്ന വിവരം. അതേസമയം നടന്റെ ആരോഗ്യവുമായി ബന്ധപ്പെട്ട് ഔദ്യോഗിക വിശദീകരണങ്ങൾ ഒന്നും തന്നെ പുറത്തുവന്നിട്ടില്ല.
സലാർ, ആദിപുരുഷ്, പ്രൊജക്ട് കെ എന്നിങ്ങനെ ഒരുകൂട്ടം വമ്പൻ ചിത്രങ്ങളാണ് താരത്തിന്റേതായി അണിയറയിൽ ഒരുങ്ങുന്നത്. നാഗ് അശ്വിന്റെ സംവിധാനത്തിൽ ഒരുങ്ങുന്ന ‘പ്രൊജക്ട് കെ’ യിൽ പ്രഭാസിനൊപ്പം അമിതാഭ് ബച്ചൻ, ദീപിക പദുകോൺ, ദിഷ പതാനി എന്നിവരും ചിത്രത്തിൽ അണിനിരക്കുന്നുണ്ട്.
പ്രശാന്ത് നീലാണ് സലാർ ഒരുക്കുന്നത്. മലയാളികളുടെ പ്രിയനടൻ പൃഥ്വിരാജും ചിത്രത്തിൽ സുപ്രധാന വേഷത്തിലെത്തുന്നുണ്ട്. ഓം റൗട്ടിന്റെ സംവിധാനത്തിലൊരുങ്ങുന്ന ആദിപുരുഷ് ജൂൺ 16-ന് പ്രദർശനത്തിനെത്തുമെന്ന് ചിത്രത്തിന്റെ അണിയറ പ്രവർത്തകർ അറിയിച്ചിരുന്നു.
Comments