ബ്രഹ്മപുരം വിഷയത്തിൽ പ്രതികരണങ്ങൾ ശക്തമാകുകയാണ്. സർക്കാർ നയങ്ങൾക്കും പ്രവർത്തനങ്ങൾക്കുമെതിരെ വലിയ പ്രതിഷേധമാണ് പൊതുസമുഹത്തിൽ നിന്നും ഉയരുന്നത്. പരിഹസിച്ചും വിമർശിച്ചും നിരവധി പേർ രംഗത്ത് വന്നിട്ടുണ്ട്. സിനിമ സീരിയൽ താരങ്ങൾ രംഗത്ത് വന്നതോടെ പ്രശ്ന ആകെ മാറി മറിഞ്ഞ അവസ്ഥയാണ്. സർക്കാരിനെ പലപ്പോഴും പ്രതിരോധത്തിലാക്കുകയും ചെയ്തു. ഇത്തരത്തിൽ സർക്കാരിനെ
പ്രതിരോധത്തിലാക്കുന്ന നടനാണ് ഹരീഷ് പേരടി.
ഇത്തവണ പരിഹാസമല്ല, വിമർശനവുമല്ല. ഉപമയാണ്. പിണറായി വിജയനെ ഹിറ്റലറോടെ ഉപമിച്ചിരിക്കുകയാണ് നടൻ.
മേയ്ക്കപ്പുകൊണ്ട് ഹിറ്റലറാകാൻ തനിക്ക് ബുദ്ധിമുട്ട് ഇല്ലായിരുന്നു എന്നാൽ മനസ്സുകൊണ്ട് വലിയ ബുദ്ധിമുട്ട് നേരിട്ടെന്നും. അതിന് തന്നെ സഹായിച്ചത് ഹിറ്റലറുടെ വാചകമാണെന്നാണ് പേരടി കുറിപ്പിൽ പറയുന്നത്. ‘ആളുകളെ വെടിവച്ചിടുന്നതിനേക്കാൾ സാമ്പത്തികമായി നല്ലത് അവരെ വിഷവായു ശ്വസിപ്പിക്കലല്ലേ?’ എന്നതായിരുന്നു ആ വാചകം എന്നും വായിച്ച് കഴിഞ്ഞപ്പോൾ തനിക്കാളെ പിടികിട്ടി എന്നും പേരടി കുറിച്ചിട്ടുണ്ട്. മുഖ്യമന്ത്രിയെയാണ് പേരടി ഹിറ്റലറോട് ഉപമിച്ചിരിക്കുന്നത്. കുറിപ്പിനൊപ്പം ഹിറ്റലറിന്റെ വേഷം ധരിച്ചുള്ള താന്റെ ചിത്രവും നടൻ പങ്കുവെച്ചിട്ടുണ്ട്.
നടന്റെ കുറിപ്പിങ്ങനെ….
മേയ്ക്കപ്പുകൊണ്ട് ഹിറ്റലറാകാൻ ബുദ്ധിമുട്ട് ഇല്ലായിരുന്നു..പക്ഷെ മനസ്സുകൊണ്ട് ഹിറ്റലറാകാൻ വലിയ ബുദ്ധിമുട്ടായിരുന്നു…അതിന് എന്നെ സഹായിച്ചത് ഹിറ്റലറിന്റെ മരണ തടവറയിലെ പരീക്ഷണങ്ങളിലെ ഒരു വാചകമായിരുന്നു..അതിങ്ങിനെയാണ്.. ‘ആളുകളെ വെടിവച്ചിടുന്നതിനേക്കാൾ സാമ്പത്തികമായി നല്ലത് അവരെ വിഷവായു ശ്വസിപ്പിക്കലല്ലേ? ‘…അതു വായിച്ചു കഴിഞ്ഞപ്പോൾ എനിക്കയാളെ മനസ്സിലായി…സിനിമ…’പല്ല് പെടാമേ പാത്തുക്കോ’
Comments