ബ്രഹ്മപുരം വിഷയത്തിൽ മുഖ്യമന്ത്രി പിണറായി വിജയൻ ഇതുവരെയും പ്രതികരിക്കാത്തത് വലിയ ജനരോഷത്തിനാണ് വഴിവെയ്ക്കുന്നത്. നഗരം വിഷപ്പുകയിൽ മൂടുമ്പോഴും നടപടികൾ കൈക്കൊള്ളാൻ സർക്കാരും പ്രാദേശിക ഭരണകൂടം ഏറെ വൈകിയിരുന്നു. മാത്രമല്ല, ഭരണകൂടത്തിന്റെ വലിയ അഴിമതിയും ഈ ദുരന്തത്തിന് പിന്നിലുണ്ട്. കേരളം കണ്ട ഏറ്റവും വലിയ പാരിസ്ഥിക ദുരന്തമാണ് ബ്രഹ്മപുരത്തുണ്ടായത്.
ചൈനയിൽ പ്രസിഡന്റ് സ്ഥാനം ഷി ജിന്പിംഗിന് വീണ്ടും കയ്യടക്കിയപ്പോൾ അഭിനന്ദിച്ച മുഖ്യമന്ത്രി എന്തുകൊണ്ടാണ് ബ്രഹ്മപുരത്തെപ്പറ്റി സംസാരിക്കാൻ മടിക്കുന്നതെന്ന ചോദ്യം ഉയരുകയാണ്. ബ്രഹ്മപുരത്ത് നിന്നുയരുന്നത് അഴിമതിയുടെ വിഷപുകയാണ് എന്നുള്ളതിന് പ്രധാന ഉത്തരമാണ് മുഖ്യമന്ത്രിയുടെ മൗനം. ഇതിനിടയിൽ സമൂഹമാദ്ധ്യമങ്ങളിൽ വീണ്ടും ചർച്ചയാവുകയാണ് സംവിധായകൻ സിദ്ധിഖിന്റെ ഫേയ്സ്ബുക്ക് പോസ്റ്റ്.
കൊറോണ മഹാമാരി ചൈനയിൽ നിന്നും പൊട്ടിപുറപ്പെട്ട നാളുകളിലാണ് പിണറായി വിജയനെ പുകഴ്ത്തി കൊണ്ട് സിദ്ധിഖ് ഫേയ്സ്ബുക്ക് പോസ്റ്റിടുന്നത്. 2020 ഏപ്രിൽ 8-ന് പോസ്റ്റ് ചെയ്ത കുറിപ്പാണ് വീണ്ടും ട്രോളുകളിൽ ഇടം നേടുന്നത്. ‘ചൈനയിലെ മന്ത്രി സഭയിൽ ഒരു സ: പിണറായി വിജയനോ ഒരു ശൈലജ ടീച്ചറോ ഉണ്ടായിരുന്നു എങ്കിൽ ലോകത്തിന് ഇന്നീ ദുര അവസ്ഥ വരില്ലായിരുന്നു.’- എന്നാണ് സിദ്ധിഖ് ഫേയ്സ്ബുക്കിൽ കുറിച്ചത്. സംവിധായകന്റെ പഴയ പോസ്റ്റ് വീണ്ടും കുത്തിപ്പൊക്കി ട്രോളുകയാണ് ജനങ്ങൾ.
