മുംബൈ: ഇന്ത്യ- ഓസ്ട്രേലിയ ഏകദിന പരമ്പരയുടെ ആദ്യമത്സരം ഇന്ന് മുംബൈയിൽ ആരംഭിക്കാനിരിക്കെ ആരാധകർ ആശങ്കയിൽ.മുംബൈയിലെ കാലാവസ്ഥ ഏകദിനത്തെ ബാധിക്കുമോ എന്ന ആശംങ്കയിലാണ് ആരാധകർ.
ഇന്നലെ മുംബൈയുടെ പലഭാഗങ്ങളിലും മഴ പെയ്തിരുന്നു. ഇന്നും ഇടിയോട് കൂടി മഴ പെയ്യുമെന്നായിരുന്നു സംസ്ഥാനത്തെ കാലാവസ്ഥാ നിരീക്ഷണ കേന്ദ്രം ഇന്നലെ അറിയിച്ചത്. എന്നാൽ പുറത്ത് വരുന്ന റിപ്പോർട്ടുകൾ പ്രകാരം മൂംബൈയിൽ മഴ ഭീഷണി മാറിയിട്ടുണ്ട്. ആകാശം അഞ്ച് ശതമാനം മേഘാവൃതമായിരിക്കുമെന്നും 33 ഡിഗ്രിയായിരിക്കും പരമാവധി ചൂടെന്നും പ്രാദേശിക കാലാവസ്ഥാ നിരീക്ഷണ കേന്ദ്രത്തിന്റെ റിപ്പോർട്ടിൽ പറയുന്നു.
ബോർഡർ- ഗവാസ്‌കർ പരമ്പര സ്വന്തമാക്കിയ ആത്മ വിശ്വാസത്തിലാണ് ഇന്ത്യ ഇന്ന് ഒസ്ട്രേലിയക്കെതിരെ കളത്തിൽ ഇറങ്ങുക. വ്യക്തിപരമായ കാരണങ്ങളാൽ ക്യാപ്റ്റൻ രോഹിത് ശർമ ഇന്നത്തെ മത്സരത്തിൽ നിന്ന് വിട്ടുനിൽക്കും. ആദ്യ ഏകദിനത്തിൽ ഹാർദ്ദിക് പാണ്ഡ്യയുടെ നേതൃത്വത്തിലാണ് ഇന്ത്യ ഇറങ്ങുന്നത്. പാറ്റ് കമിൻസിന്റെ അഭാവത്തിൽ സ്റ്റീവ് സ്മിത്താണ് ഓസ്ട്രേലിയയെ നയിക്കുന്നത്.
