ഇന്ത്യൻ റെയിൽവേ പാസഞ്ചേർസ് അമിനിറ്റീസ് കമ്മിറ്റി ചെയർമാൻ പി.കെ കൃഷ്ണദാസ് ഇന്ന് തിരുവനന്തപുരത്ത്. റെയിൽവേ സ്റ്റേഷനുകളിലെ യാത്രക്കാരുടെ സൗകര്യങ്ങൾ വിലയിരുത്തുന്നതിന്റെ ഭാഗമായാണ് പി.കെ കൃഷ്ണദാസിന്റെ സന്ദർശനം. കഴിഞ്ഞ 15നാണ് പി.കെ കൃഷ്ണദാസ് റെയിൽവേ സ്റ്റേഷനുകളിൽ സന്ദർശനം ആരംഭിച്ചത്. രാഷ്ട്രപതി ദ്രൗപദി മുർമുവിന്റെ കേരള സന്ദർശത്തെ തുടർന്ന് ഇടയ്ക്ക് നിർത്തിവെച്ചിരുന്നെങ്കിലും പിന്നീട് ആരംഭിച്ചു. ഇന്ന് അദ്ദേഹം തിരുവനന്തപുരം സെന്റട്രൽ റെയിൽവേ സ്റ്റേഷനിലെത്തും.
രാവിലെ 11ന് തിരുവനന്തപുരം സെന്റട്രൽ റെയിൽവേ സ്റ്റേഷനിലാണ് കൃഷ്ണദാസ് എത്തുന്നത്. റെയിൽവേയുടെ ആധുനികവൽക്കരണത്തിനും നവീകരണത്തിനുമായാണ് സന്ദർശനമെന്നും ജനപ്രതിനിധികളിൽ നിന്നും വിവിധ സംഘടനകളിൽ നിന്നും യാത്രക്കാരിൽ നിന്നും ഉയരുന്ന അഭിപ്രായങ്ങളും നിർദേശങ്ങളും ക്രോഡീകരിച്ച് ആവശ്യമായ വികസന പ്രവർത്തനങ്ങൾ സംബന്ധിച്ച് ഒരു വിശദറിപ്പോർട്ട് തയ്യാറാക്കി കേന്ദ്ര റെയിൽവെ ബോർഡിന് സമർപ്പിക്കുമെന്ന് പി.കെ കൃഷ്ണദാസ് സമൂഹമാദ്ധ്യമങ്ങളിൽ പങ്കുവെച്ചു.
