വാഹനലോകത്ത് ഹമ്മറിന് ഒരു എതിരാളിയില്ല. കരുത്തു കൊണ്ടും പെർഫോമൻസ് കൊണ്ടും ലുക്ക് കൊണ്ടും ഹമ്മറിനെ വെല്ലുക അസാധ്യം. കരുത്തരിലെ കരുത്തൻ എന്നാണ് ഹമ്മറിനെ വിശേഷിപ്പിക്കുക. വാഹനത്തിന്റെ പിക്ക്-അപ്പ് ഇവി മോഡൽ കമ്പനി പുറത്തിറങ്ങിയിരുന്നു. എസ്യുവി മോഡലിന്റെ നിർമ്മാണം ഈ വർഷം തന്നെ ആരംഭിക്കുമെന്നും കമ്പനി വെളിപ്പെടുത്തിയിരുന്നു. ഏറെ ആകാംഷയോടെയാണ് ഹമ്മർ എസ്‍യുവിക്കായി വാഹനപ്രേമികൾ കാത്തിരിക്കുന്നത്. ഇപ്പോഴിതാ, ഹമ്മറിന്റെ പുതിയ പരസ്യമാണ് സമൂഹമാദ്ധ്യമങ്ങളിൽ വൈറലാകുന്നത്. വളരെ വ്യത്യസ്തമായ ഈ പരസ്യം ഹമ്മർ ആരാധകരെ അതിശയിപ്പിക്കുമെന്ന് ഉറപ്പ്.
ജിഎംസി-യാണ് അവരുടെ ഔദ്യോഗിക ഇന്‍സ്റ്റഗ്രാം പേജിലും യുട്യൂബിലും പരസ്യം പങ്കുവെച്ചിരിക്കുന്നത്. ‘ഫ്രീഡം ആംഡ്’ എന്ന പേരിലാണ് പരസ്യ ചിത്രം പുറത്തു വന്നിരിക്കുന്നത്. മരുഭൂമിയിലൂടെ പതിയെ നീങ്ങുന്ന ഹമ്മര്‍ ഇവിയുടെ അരികിലേക്ക് ഒരു ഡെസെര്‍ട്ട് ക്രാബ്(ഞണ്ട്) എത്തുകയാണ്. ഡ്രൈവറിന്റെ അരികിലേക്ക് തന്റെ സുഹൃത്തുക്കള്‍ക്കൊപ്പം എത്തുന്ന ഈ ഞണ്ട് ഹമ്മറിന്റെ ‘ക്രാബ് വോക്’ കാണണമെന്ന് ആവശ്യപ്പെടുന്നു. ഇതോടെ ഡ്രൈവർ ഹമ്മറിന്റെ മാത്രം പ്രത്യേകതയായ ക്രാബ് വോക് ചെയ്ത് കാണിക്കുന്നു.
വാഹനത്തിന്റെ മറ്റ് പുതുമകളെന്താണെന്ന് ഞണ്ട് ചോദിച്ചതോടെ ഡ്രൈവർ വാഹനത്തിന്റെ സ്‌പോര്‍ട് മോഡ് ഓണ്‍ ചെയ്യുകയാണ്. തുടര്‍ന്ന് എയര്‍ സസ്പന്‍ഷന്‍ സംവിധാനം ഉപയോഗിച്ച് വാഹനത്തിന്റെ ഗ്രൗണ്ട് ക്ലിയറന്‍സ് കുറച്ചു. ഞണ്ടുകളെ സീറ്റ് ബെല്‍റ്റ് ഉപയോഗിച്ച് സുരക്ഷിതരാക്കിയ ശേഷം ഫ്രീഡം ആംഡ് എന്ന മോഡിലേക്ക് വാഹനം മാറ്റുന്നു. ഇതോടെ ആക്‌സിലറേറ്റര്‍ അമര്‍ത്തുമ്പോള്‍ വാഹനം മുന്നോട്ട് കുതിക്കുന്ന കരുത്തു മൂലം ഞണ്ടുകൾ പിന്നീലേയ്‌ക്ക് മറിയുന്നതാണ് പരസ്യത്തിൽ കാണിക്കുന്നത്. വാഹനത്തിന്റെ കരുത്ത് കണ്ട് ഞണ്ടുകൾ ആശ്ചര്യപ്പെടുന്നതോടെ ഹമ്മര്‍ ആന്‍ ഇലക്ട്രിഫൈയിംഗ് എസ്യുവി എന്ന പരസ്യം അവസാനിക്കുകയാണ്.
Comments