വിവാഹശേഷം ആദ്യമായി ഗുരുവായൂർ ക്ഷേത്രദർശനം നടത്തി ഗായിക മഞ്ജരി. ഭർത്താവ് റെജിനൊപ്പമാണ് മഞ്ജരിയെത്തിയത്. ജെറിൻ ആദ്യമായാണ് ഗുരുവായൂർ ക്ഷേത്രത്തിലെത്തുന്നതെന്നും അദ്ദേഹത്തിന് ക്ഷേത്രത്തിന് അകത്ത് പ്രവേശിക്കാൻ സാധിച്ചില്ലെങ്കിലും പുറത്തുനിന്ന് പ്രാർത്ഥിച്ചുവെന്നും മഞ്ജരി സമൂഹമാദ്ധ്യമങ്ങളിൽ പങ്കുവെച്ച കുറിപ്പിൽ പറയുന്നു.
ജെറിനും തനിക്കും വേണ്ടി ഉള്ളിൽ പ്രവേശിച്ച് കണ്ണനെ തൊഴുതുവെന്നും മഞ്ജരി ഇൻസ്റ്റ്ഗ്രാമിൽ കുറിച്ചു. ക്ഷേത്രദർശനത്തിന്റെ വീഡിയോയും ചിത്രങ്ങളും ഒപ്പം പങ്കുവെച്ചിട്ടുണ്ട്.
ജൂൺ 24-നാണ് മഞ്ജരിയും ജെറിനും വിവാഹതിരയാത്. തിരുവനന്തപുരത്തായിരുന്നു വിവാഹ ചടങ്ങുകൾ. പത്തനംതിട്ട സ്വദേശിയായ ജെറിൻ ബെംഗളൂരുവിലെ സ്വകാര്യ സ്ഥാപനത്തിൽ എച്ച്ആർ മനേജറായി ജോലി ചെയ്യുകയാണ്.
Comments