ആദ്യ ഗുജറാത്തി ചിത്രവുമായി നയൻതാരയും വിഗ്നേഷ് ശിവനുമെത്തുന്നു. പുതിയ ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ് ഇരുവരുടെയും നിർമ്മാണ കമ്പനിയായ റൗഡി പിക്ചേഴ്സ്. ഗുജറാത്തി ചിത്രമായ ‘ശുഭ് യാത്ര’യുടെ പ്രഖ്യാപനമാണ് കമ്പനി നടത്തിയിരിക്കുന്നത്.
തമിഴ് സിനിമകളിൽ തിളക്കമാർന്ന വിജയം സംഭാവന ചെയ്തിട്ടുള്ള റൗഡി പിക്ചേഴ്സിന്റെ മറ്റ് ഭാഷകളിലേക്കുമുള്ള ആദ്യ ചുവട് വയ്പ്പാണ് ശുഭ്യാത്ര. ഏപ്രിൽ 28-ന് തിയറ്ററുകളിൽ പ്രദർശനത്തിനെത്തുമെന്നാണ് ചിത്രത്തിന്റെ അണിയറപ്രവർത്തകർ അറിയിച്ചിരിക്കുന്നത്.
മനീഷ് സൈനിയുടെ സംവിധാനത്തിലാണ് ചിത്രം അരങ്ങേറുക. മൽഹർ തക്കർ, മോണാൽ ഗുജ്ജാർ, ദർശൻ ജരിവല്ല, ഹിതു കനോഡിയ, അർച്ചൻ ത്രിവേദി, ഹെമിൻ ത്രിവേദി, മഗൻ ലുഹാർ, സുനിൽ വിശ്രാണി, ജയ് ഭട്ട് എന്നിവരാണ് ചിത്രത്തിൽ മറ്റ് ശ്രദ്ധേയമായ കഥാപാത്രങ്ങളെ അവതരിപ്പിക്കുക.
നയൻതാരയെ നായിക വേഷത്തിൽ അവതരിപ്പിച്ച് വിഗ്നേഷ് ശിവന്റെ സംവിധാനത്തിൽ അരങ്ങേറിയ ചിത്രമായ ‘നാനും റൗഡി താൻ’ എന്ന ഹിറ്റ് ചിത്രത്തിന് ശേഷമാണ് റൗഡി പിക്ചേഴ്സ് എന്ന പേരിൽ ഇരുവരും നിർമ്മാണ കമ്പനി ആരംഭിക്കുന്നത്. നെട്രിക്കൺ, കൂഴാങ്കൽ എന്നീ സൂപ്പർ ഹിറ്റ് ചിത്രങ്ങളും നിർമ്മിച്ചത് ഈ ബാനറിലാണ്.
Comments