യുഎസിലും അഴിഞ്ഞാടി ഖാലിസ്ഥാൻ ഭീകരർ: സാൻ ഫ്രാൻസിസ്‌കോയിലെ ഇന്ത്യൻ കോൺസുലേറ്റ് ആക്രമിച്ചു; ദൃശ്യങ്ങൾ പുറത്ത്

ന്യൂഡൽഹി: ലണ്ടനിലെ ഇന്ത്യൻ ഹൈക്കമ്മീഷനിൽ ഖാലിസ്ഥാൻ അനുകൂലികൾ നടത്തിയ ആക്രമണത്തിന് പിന്നാലെ യുഎസിലെ സാൻ ഫ്രാൻസിസ്‌കോയിലുള്ള ഇന്ത്യൻ കോൺസുലേറ്റിന് നേരെയും ആക്രമണം. വലിയൊരു ജനക്കൂട്ടം വാളും പതാകയുമേന്തി കോൺസുലേറ്റിന് നേർക്ക് പായുന്ന ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത്.

പഞ്ചാബി പാട്ടുകൾ പശ്ചാത്തലത്തിൽ മുഴക്കിയായിരുന്നു ആക്രമണം. തുടർന്ന് കോൺസുലേറ്റിലേക്ക് ഇരച്ചെത്തിയ സംഘം കെട്ടിടത്തിന്റെ ചുവരിൽ സ്‌പ്രേ പെയിന്‌റ് ഉപയോഗിച്ച് ‘ഫ്രീ അമൃത്പാൽ’ എന്നെഴുതി വയ്‌ക്കുകയും ചെയ്തു. ഖാലിസ്ഥാൻ ഭീകരതയെ അനുകൂലിക്കുന്നവരും അമൃത്പാൽ അനുയായികളുമാണ് കോൺസുലേറ്റിൽ ആക്രമണം നടത്തിയതെന്നാണ് വിലിയിരുത്തൽ.

Hundreds of Sikhs arrived at San Francisco Indian Consulate to protest for unconstitutional paramilitary operations to capture Bhai Amritpal singh and other Singh’s .Sikhs raised and Khalistan flag were raised in front of Consulate. #WeStandWithAmrirpalSingh #Sikhs pic.twitter.com/rrtxmPe15x

— Darshan Singh (@SinghDarshan18) March 20, 2023

ഖാലിസ്ഥാൻ പതാകയേന്തിയാണ് അക്രമികളെത്തിയത്. ഇവർ പതാക ഘടിപ്പിച്ചിരിക്കുന്ന മരത്തടി കൊണ്ട് കോൺസുലേറ്റിന്റെ വാതിലുകളും ജനലുകളും തകർക്കാൻ ശ്രമിക്കുന്നതും ദൃശ്യങ്ങളിൽ കാണാം.

After London, now San Francisco – Indian consulate in San Francisco is attacked by Khalistan supporters. For Modi’s security, Rs 584 crores spent every year, but India’s diplomatic missions are left unsecured. pic.twitter.com/scJ9rKcazW

— Ashok Swain (@ashoswai) March 20, 2023

ഖാലിസ്ഥാൻ ഭീകരനായ അമൃത് പാലിന് വേണ്ടി പഞ്ചാബ് പോലീസ് തിരച്ചിൽ ആരംഭിക്കുകയും അമൃത് പാൽ സംഘത്തിലെ നിരവധി പേരെ പിടികൂടുകയും ചെയ്തതിലുള്ള എതിർപ്പ് പ്രകടിപ്പിച്ചാണ് വിദേശ രാജ്യങ്ങളിൽ കോൺസുലേറ്റിനും ഹൈക്കമ്മീഷനും നേരെ ആക്രമണം നടത്തുന്നതെന്നാണ് വിവരം. നേരത്തെ ലണ്ടനിലെ ഇന്ത്യൻ ഹൈക്കമ്മീഷനിലേക്ക് പാഞ്ഞെത്തിയ ഖാലിസ്ഥാൻ ഭീകരർ കെട്ടിടത്തിന് മുകളിൽ കയറി ത്രിവർണ പതാക അഴിച്ചുമാറ്റിയിരുന്നു.