വടക്കു ഭാഗത്താണോ നിങ്ങളുടെ പൂജാമുറി; എങ്കിൽ തീർച്ചയായും ഇത് വായിക്കണം

ഈ ലേഖനത്തിന്റെ ഒന്നാം ഭാഗം വായിക്കാൻ ഈ ലിങ്കിൽ ക്ലിക്ക് ചെയ്യുക.
നിങ്ങളുടെ വീട്ടിൽ പൂജാമുറിയുണ്ടോ; ഉണ്ടെങ്കിൽ തീർച്ചയായും ഇത് വായിക്കണം
https://janamtv.com/80661456/

ഈ ലേഖനത്തിന്റെ രണ്ടാം ഭാഗം വായിക്കാൻ ഈ ലിങ്കിൽ ക്ലിക്ക് ചെയ്യുക
തെക്ക് കിഴക്കേ ദിക്കിൽ പൂജാമുറി വെക്കാമോ
https://janamtv.com/80664220/

ഈ ലേഖനത്തിന്റെ മൂന്നാം ഭാഗംവായിക്കാൻ ഈ ലിങ്കിൽ ക്ലിക്ക് ചെയ്യുക
പൂജാമുറി വീടിന്റെ ഏതു ദിക്കിൽ ക്രമീകരിക്കണം; തെക്ക്, തെക്കു പടിഞ്ഞാറ്, വടക്ക് കിഴക്ക്, കിഴക്ക്, പടിഞ്ഞാറ് വടക്ക് പടിഞ്ഞാറ് ദിക്കുകളിൽ പൂജാമുറി വന്നാൽ.
https://janamtv.com/80668297/

പല ആചാര്യന്മാരും വടക്ക് പൂജാമുറിയോട് വിയോജിക്കുന്നവരാണ്; കാരണം ദൈവങ്ങളുടെ ചിത്രങ്ങളും പ്രതിമകളും തെക്കോട്ട് തിരിഞ്ഞിരിക്കുന്നതിനാല്‍ അത് അശുഭമായി കണക്കാക്കപ്പെടുന്നു.വടക്കേ പൂജാമുറി ഒരു തരം മാനസീക വിഭ്രാന്തി സൃഷ്ടിക്കുമെന്നാണ് പ്രായോഗീകമായ അനുഭവങ്ങളില്‍ നിന്നും കണ്ടു വരുന്നത്. വീട്ടിലുളളവര്‍ യഥാര്‍ത്ഥ ആത്മീയതയില്‍ നിന്നും വിടുതല്‍ നേടി ഭൗതീക സുഖത്തിൽ ആകൃഷ്ടരാവുകയും അതിലുപരി ഇവര്‍ ആത്മീയതയെ അവരുടെ കാര്യം കാണാനുളള കുറുക്കു വഴിയായി ഉപയോഗിക്കുകയും ചെയ്യും. ആത്മീയത ഒരു മറയായി ഉപയോഗിച്ച് വ്യക്തി തന്‍റെ യഥാര്‍ത്ഥ ജീവിതവും സ്വഭാവവും മറ്റുളളവരെ അറിയിക്കാതെ മുന്നോട്ട് പോകുന്നതാണ് പല സന്ദര്‍ഭങ്ങളിലും സംഭവിക്കുന്നത്. അതായത് ഈ സാഹചര്യത്തിൽ മൊത്തത്തില്‍ ആദ്ധ്യാത്മീയതയുടെ അടിസ്ഥാന തത്വങ്ങള്‍ അവഗണിക്കപ്പെടുകയും ഇല്ലാതാവുകയും 100% ലൗകീക വിഷയങ്ങളില്‍ നിലയുറപ്പിക്കുന്നതിന് സഹായിക്കുകയും ചെയ്യും.

വാസ്തുവിദ്യയെ സംബന്ധിക്കുന്ന മുന്‍ തലമുറയിലെ ആചാര്യന്മാര്‍ വീടിന്‍റെ മധ്യത്തില്‍ പൂജാമുറി വയ്‌ക്കുന്നതിനെ അനുകൂലിക്കുന്നുണ്ട്. എന്നാല്‍ ഈ സങ്കല്പം കൃത്യമായി വ്യാഖ്യാനിച്ചിട്ടില്ല, അല്ലെങ്കില്‍ വളരെ അവ്യക്തമായ വ്യാഖ്യാനമാണ് നല്‍കിയിട്ടുളളത് എന്നും പറയാം. മിക്ക ആചാര്യന്മാരുടെയും അഭിപ്രായത്തില്‍ മധ്യഭാഗത്ത് വിളക്കുകള്‍, പ്രതിമകള്‍, തുളസി നടാനുളള തുളസിത്തറ എന്നിവ സ്ഥാപിക്കുന്നതിനെ കുറിച്ച് അവ്യക്തത കണ്ടു വരുന്നു. കൃത്യമായി വ്യാഖ്യാനിച്ചിട്ടില്ല. വിശദീകരിച്ച് പറഞ്ഞിട്ടുമില്ല. മേല്‍ പറഞ്ഞവ എങ്ങിനെയാണ് പാലിക്കേണ്ടതെന്നോ അവയുടെ വിശുദ്ധി എപ്രകാരമാണ് നഷ്ടപ്പെടാതെ കാത്തു സൂക്ഷിക്കേണ്ടതെന്നോ പറയുന്നില്ല. ആധുനീക രീതി അല്ലെങ്കില്‍ ഗൃഹനിര്‍മ്മാണത്തിന്‍റെ ശാസ്ത്രീയവും അഭിനവവുമായ കാഴ്ചപ്പാട് മധ്യഭാഗം നടപ്പുര അഥവാ ഹാൾ ആയിട്ട് കണക്കാക്കുന്നു. ഈ സ്ഥലം പ്രാര്‍ത്ഥിക്കുന്നതിനും ധ്യാനിക്കുന്നതിനും മറ്റും ഉപയോഗിക്കാം. പഴയ വാസ്തു വിദഗ്‌ദ്ധരും പുതിയ ആചാര്യന്മാരും അത് നല്ലതോ മോശമോ എന്ന് വ്യക്തമാക്കിയിട്ടില്ല. മധ്യത്തിലെ പൂജാമുറിയെ സംബന്ധിച്ച ദുരൂഹതകള്‍ ഇപ്പോഴും നിലനില്‍ക്കുന്നു.

സ്റ്റെയര്‍കേസിന് താഴെ, ബാത്‌റൂമുമായി ചുവർ പങ്കിടൽ ഒക്കെ പൂജാമുറി എന്ന ആശയത്തിൽ ഏറ്റവും മോശമായ ഫലം ഉളവാക്കുന്ന ഒന്നാണ്. എല്ലാം കൊണ്ടും ദുരിതം ആയിരിക്കും ഫലം. അല്ലെങ്കിൽ മുന്ജന്മ പുണ്യവും ജാതകത്തിൽ ബലവും ഒക്കെ ഉണ്ടായിരിക്കണം. അതും അല്ലെങ്കിൽ ഈ ദോഷത്തിന്റ പരിഹാരമായി മറ്റു രീതിയിലുള്ള വാസ്തു പരിഹാരങ്ങൾ ആ വീട്ടിൽ ഉണ്ടായിരിക്കണം. അല്ലെങ്കിൽ ഉണ്ടാകാവുന്ന ദോഷഫലങ്ങൾ പറഞ്ഞു ഭീതി വിതക്കുന്നില്ല.

ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)