സ്ഥിരമായി വെയിൽ കൊള്ളുന്നവരുടെ പ്രധാന പ്രശ്നമാണ് കൈകൾ കറുത്തു പോകുന്നത്. വസ്ത്രം കൊണ്ട് മറയ്ക്കെപ്പെടാത്ത ഭാഗങ്ങളിൽ ശക്തമായ വെയിൽ കൊള്ളുകയാണെങ്കിൽ കറുക്കുക മാത്രമല്ല സൂര്യാഘാതവും ഏറ്റേക്കാം. അതിനാൽ തന്നെ കൈകൾക്ക് പതിവ് തെറ്റിക്കാതെ പരിചരണം നൽകണം. നിർജ്ജീവ കോശങ്ങളെ നീക്കം ചെയ്യുന്നതിലൂടെയും പുതിയ കോശ വളർച്ചയെ പ്രോത്സാഹിപ്പിക്കുന്നതിലൂടെയും നമ്മുടെ ചർമ്മത്തെ ആരോഗ്യകരമായി നിലനിർത്താൻ സാധിക്കും. മുതിർന്നവർക്കും കുട്ടികൾക്കും അവരുടെ കൈകളെ മൃദുവായി നിലനിർത്താൻ സഹായിക്കുന്ന ചില വീട്ടുവൈദ്യങ്ങൾ പരിചയപ്പെടാം.
നാരങ്ങയും പഞ്ചസാരയും
നാരങ്ങാനീരും പഞ്ചസാരയും ചേർത്ത് നന്നായി ഉരച്ച് നീര് വരുത്തുക. ചെറുചൂടുള്ള വെള്ളത്തിൽ കഴുകുന്നതിന് മുമ്പ് ഈ നീര് നിങ്ങളുടെ കൈകളിൽ പുരട്ടി കുറച്ച് മിനിറ്റ് മൃദുവായി മസാജ് ചെയ്യുക. നാരങ്ങ നീരിൽ വിറ്റാമിൻ സി ധാരാളമായി അടങ്ങിയിട്ടുണ്ട്. ഇത് നിങ്ങളുടെ ചർമ്മത്തെ മൃദുവാക്കാനും തിളക്കം നൽകാനും സഹായിക്കും. പഞ്ചസാര ഒരു സ്വാഭാവിക എക്സ്ഫോളിയന്റായി പ്രവർത്തിക്കുന്നു.
കറ്റാർ വാഴ
കൈകൾ ചെറിയ ചൂട് വെള്ളത്തിൽ നന്നായി ഒന്ന് കഴുകുക. ശേഷം, കറ്റാർ വാഴ ജെൽ കൈകളിൽ പുരട്ടി 10-15 മിനിറ്റ് നേരം ഇരിക്കണം. കറ്റാർ വാഴയ്ക്ക് ജലാംശം നൽകുന്നതും സുഖപ്പെടുത്തുന്നതുമായ ഗുണങ്ങളുണ്ട്. ഇത് പരുക്കനായ, വരണ്ട കൈകൾ മൃദുവാക്കാൻ സഹായിക്കുന്നു.
ഒലിവ് ഓയിലും പഞ്ചസാരയും
ഒലിവ് ഓയിലും പഞ്ചസാരയും ചേർത്ത് നല്ല മിശ്രിതമാക്കുക. ഇത് കൈകളിൽ പുരട്ടി നന്നായി മസാജ് ചെയ്യണം. ശേഷം ചെറിയ ചൂട് വെള്ളത്തിൽ കൈകൾ കഴുകുക. ഇത് ചർമ്മത്തിലെ മൃതകോശങ്ങളെ പുറംതള്ളാനും നിങ്ങളുടെ കൈകൾ മൃദുവും മിനുസമുള്ളതുമാക്കി മാറ്റുകയും ചെയ്തു.
പാലും തേനും
പാലും തേനും നന്നായി മിക്സ് ചെയ്ത് കൈകളിൽ പുരട്ടുക. 10-15 മിനിറ്റ് നേരം ഇരിക്കട്ടെ. അതിനുശേഷം ചെറുചൂടുള്ള വെള്ളത്തിൽ കഴുകണം. പാലിലെ ലാക്റ്റിക് ആസിഡ് നിർജ്ജീവ കോശങ്ങളെ പുറംതള്ളാൻ സഹായിക്കുന്നു. തേൻ ചർമ്മത്തെ മോയ്സ്ചറൈസ് ചെയ്യുന്നു.
വെളിച്ചെണ്ണ
കുറച്ച് ശുദ്ധമായ വെളിച്ചെണ്ണ നിങ്ങളുടെ കൈകളിൽ പുരട്ടുക. അത് പൂർണ്ണമായും ആഗിരണം ചെയ്യപ്പെടുന്നതുവരെ മൃദുവായി മസാജ് ചെയ്യുക. വെളിച്ചെണ്ണയിൽ ഫാറ്റി ആസിഡും വിറ്റാമിൻ ഇ-യും അടങ്ങിയിട്ടുണ്ട്. ഇത് ചർമ്മത്തെ മോയ്സ്ചറൈസ് ചെയ്യാനും പോഷിപ്പിക്കാനും സഹായിക്കും. മാത്രമല്ല കൈകളെ മൃദുവും മിനുസമാർന്നതുമാക്കുന്നു.
