മേപ്പടിയാൻ എന്ന സിനിമയിലൂടെ മലയാളി പ്രേക്ഷകരുടെ പ്രിയ സംവിധായകനായി മാറിയ വിഷ്ണു മോഹൻ വിവാഹിതനാകുന്നു. ബിജെപി നേതാവ് എ.എൻ രാധകൃഷ്ണന്റെ മകൾ അഭിരാമിയാണ് വധു. ഇരുവരുടെയും നിശ്ചയം വധൂഗൃഹത്തിൽ വച്ച് നടന്നു.
അടുത്ത് ബന്ധുക്കളും സുഹൃത്തുക്കളും മാത്രമാണ് വിവാഹ നിശ്ചയത്തിൽ പങ്കെടുത്തത്. വിഷ്ണുവിന്റെ സുഹൃത്ത് കൂടിയായ നടൻ ഉണ്ണി മുകുന്ദൻ ചടങ്ങിൽ പങ്കെടുത്തു. സെപ്റ്റംബർ 3-നാണ് വിവാഹം.
ഉണ്ണി മുകുന്ദനെ നായകനാക്കി പുറത്തിറങ്ങിയ മേപ്പടിയാൻ വിജയ ചിത്രമായിരുന്നു. ജയകൃഷ്ണൻ എന്ന സാധാരണക്കാരന്റെ കഥ പറയുന്ന ചിത്രത്തിൽ അഞ്ജു കുര്യന്, സൈജു കുറുപ്പ്, അജു വര്ഗീസ്, ഇന്ദ്രൻസ് തുടങ്ങിയവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്.
വിഷ്ണു തന്നെയാണ് ചിത്രത്തിന്റെ രചനയും നിർവ്വഹിച്ചിരിക്കുന്നു. ഉണ്ണി മുകുന്ദനാണ് സിനിമ നിർമ്മിച്ചത്.
Comments