മോഹൻലാലിന്റെ സംവിധാന മേഖലയിലുള്ള അരങ്ങേറ്റ ചിത്രമായ ബറോസിൽ ഏറെ പ്രേക്ഷക സ്വീകാര്യത നേടിയ ചിത്രമാണ്. ചിത്രത്തിൽ പ്രണവ് മോഹൻലാലിനും പങ്കാളിത്തമുള്ളതായി മുമ്പ് റിപ്പോർട്ടുകൾ പുറത്ത് വന്നിരുന്നു. ചിത്രീകരണത്തിന്റെ അവസാന വേളയിൽ ബറോസ് ലൊക്കേഷനിൽ നിന്നുള്ള ചിത്രത്തിൽ പ്രണവ് ഉണ്ടായിരുന്നത് പ്രചരണങ്ങൾക്ക് ആക്കം കൂട്ടിയിരുന്നു. എന്നാൽ ജീത്തു ജോസഫിനൊപ്പം മുമ്പ് സഹസംവിധായകനായി പ്രവർത്തിച്ച പ്രണവ് ഡയറക്ഷൻ ടീമിനൊപ്പമാണോ നടനത്തിലാണോ ഉൾപ്പെട്ടിട്ടുള്ളത് എന്ന കാര്യത്തിൽ വ്യക്തത ഉണ്ടായിരുന്നില്ല. എന്നാൽ ഇപ്പോഴിത ബറോസ് ലൊക്കേഷനിലേതെന്ന് കരുതപ്പെടുന്ന വീഡിയോ സമൂഹമാദ്ധ്യമത്തിൽ വൈറലായിരിക്കുകയാണ്.
ക്യാമറയ്‌ക്ക് മുമ്പിൽ പ്രണവിന് നിർദേശങ്ങൾ നൽകുന്ന പ്രണവിനെയാണ് ദൃശ്യമാവുന്നത്. പടിക്കെട്ടുകൾ ഇറങ്ങി മുന്നിലേക്ക് വരുന്ന പ്രണവിനോട് ചിത്രീകരണത്തെക്കുറിച്ച് വിശദീകരിക്കുന്ന മോഹൻലാലിനെയാണ് കണുവാൻ സാധിക്കുന്നത്. ഇരുവരെയും കൂടാതെ ടി.കെ രാജീവ് കുമാറിനെയും സ്റ്റിൽ ഫോട്ടോ ഗ്രാഫർ അനീഷ് ഉപാസനയെയും ഉൾപ്പടെ വീഡിയോയിൽ കാണാവുന്നതാണ്.
മോഹൻലാലിന്റെ സംവിധാന അരങ്ങേറ്റ ചിത്രമായ ബറോസിന് പ്രഖ്യാപന ഘട്ടം മുതൽ തന്നെ ലഭിച്ചത് വളരെ വലിയ പ്രേക്ഷക സ്വീകാര്യതയായിരുന്നു. പല ഷെഡ്യൂളുകളിലായി 170 ദിവസം കൊണ്ടാണ് ചിത്രത്തിന്റെ ചിത്രീകരണം പൂർത്തിയാക്കിയത്. നിലവിൽ പോസ്റ്റ് പ്രൊഡക്ഷൻ ഘട്ടത്തിലാണ് സിനിമ. ചിത്രത്തിൽ സംവിധാനത്തിന് പുറമേ ബറോസ് എന്ന ടൈറ്റിൽ കഥാപാത്രത്തെ അവതരിപ്പിക്കുന്നതും മോഹൻലാൽ ആണ് എന്നത് ചിത്രത്തിന്റെ മറ്റൊരു പ്രത്യേകതയാണ്.
2019 ഏപ്രിലിൽ പ്രഖ്യപിക്കപ്പെട്ട ചിത്രത്തിന്റെ ഒഫിഷ്യൽ ലോഞ്ച് 2021 മാർച്ച് 24-നാണ് നടന്നത്. ആശിർവാദ് സിനിമാസിന്റെ ബാനറിലാണ് ചിത്രം നിർമ്മിക്കുന്നത്. ഇന്ത്യയിലെ ആദ്യ ത്രിഡി ചിത്രമായിരുന്ന മൈഡിയർ കുട്ടിച്ചാത്തൻ സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹൻലാൽ ചിത്രം ഒരുങ്ങുന്നത്.
