‘ഐ ആം ദ ബട്ട് യു ആർ നോട്ട് ദ’; ചിന്തയെ ട്രോളി വിനായകൻ

സമൂഹ മാദ്ധ്യമങ്ങളിലൂടെ ചിന്ത ജെറോമിനെ വിമർശിച്ച് നടൻ വിനായകൻ. ‘ഐ ആം ദ ബട്ട് യു ആർ നോട്ട് ദ’ എന്ന് കുറിപ്പിനൊപ്പം ചിന്തയുടെ ചിത്രവും വിനായകൻ പങ്കുവെച്ചിട്ടുണ്ട്. കഴിഞ്ഞ കുറച്ച് ദിവസങ്ങളായി സമൂഹ മാദ്ധ്യമങ്ങളിൽ വിവാദങ്ങളിലും ട്രോളിലും നിറഞ്ഞു നിൽക്കുകയാണ് ചിന്ത. ഈ സാഹചര്യത്തിലാണ് വിനായകനും ചിന്തയെ വിമർശിച്ച് എത്തിയിരിക്കുന്നത്.

സീറോ മലബാർ സഭയിലെ സീനിയർ ബിഷപ്പും ചങ്ങനാശ്ശേരി അതിരൂപത മുൻ ആർച്ച് ബിഷപ്പുമായ മാർ ജോസഫ് പൗവത്തിൽ മെത്രോപോലിത്തയ്‌ക്ക് ചങ്ങനാശ്ശേരിയിൽ എത്തി അന്തിമോപചാരം അർപ്പിച്ചു എന്ന പോസ്റ്റ് ആയിരുന്നു ഏറ്റവും ഒടുവിൽ വിവാദത്തിലായത്. ഇതിന് മുൻപ് ഓസ്‌കർ അവാർഡ് ജേതാക്കളെ അഭിനന്ദിച്ചുകൊണ്ടുള്ള പോസ്റ്റും വിവാദത്തിൽ പെട്ടിരുന്നു.

ആശയദാരിദ്ര്യം മൂലമാണ് ഇത്തരം സൈബർ ആക്രമണങ്ങൾ ഉണ്ടാകുന്നത്. വരികൾക്കിടയിലൂടെ വായിച്ച് അതിനെ വല്ലാതെ പ്രചരിപ്പിക്കുന്ന പ്രവണതയാണ് കണ്ടതെന്നും ഒരു മരണത്തെ പോലും വളച്ചൊടിച്ച് ഉപയോഗിക്കുന്നത് ദൗർഭാഗ്യകരമാണെന്നുമാണ് പുതിയ വിവാദങ്ങളെക്കുറിച്ച് ചിന്ത ജെറോമിന്റെ പ്രതികരണം.