ട്വിറ്ററിൽ പരിഷ്‌കാരങ്ങളുമായി ഇലോൺ മസ്‌ക്ക്; വെരിഫൈഡ് അക്കൗണ്ടുകൾക്ക് മാത്രം ഇനി ‘ഫോർ യു’അവകാശം

ലോസ് ഏയ്ഞ്ചൽസ്: ട്വിറ്റർ വെരിഫൈഡ് അക്കൗണ്ടുകൾക്ക് മാത്രമേ ‘ഫോർ യു’ശുപാർശകളിൽ ഉൾപ്പെടാൻ അർഹതയുണ്ടാകു എന്ന് ട്വിറ്റർ സിഇഒ ഇലോൺ മസ്‌ക് പ്രഖ്യാപിച്ചു. പ്രഖ്യാപനത്തിന് പിന്നാലെ കാരണവും മസ്‌ക്ക് വ്യക്തമാക്കിയിട്ടുണ്ട്. ഏപ്രിൽ 15 മുതൽ പരിശോധിച്ചുറപ്പിച്ച അക്കൗണ്ടുകൾക്ക് മാത്രമേ ഫോർ യു ശുപാർശകളിൽ ഉൾപ്പെടാൻ കഴിയുവെന്ന് ട്വിറ്ററിലൂടെയാണ് മസ്‌ക് അറിയിച്ചത്. ട്വിറ്റർ അക്കൗണ്ട് നിയന്ത്രിക്കുന്ന സോഫ്റ്റ്വെയറായ എഐ ബോട്ടുകൾ വഴി ഉണ്ടാകുന്ന പ്രശ്നങ്ങളെ നേരിടാനാണ് ഈ നടപടിയെന്ന് മസ്‌ക് വ്യക്തമാക്കി.

Starting April 15th, only verified accounts will be eligible to be in For You recommendations.

The is the only realistic way to address advanced AI bot swarms taking over. It is otherwise a hopeless losing battle.

Voting in polls will require verification for same reason.

— Elon Musk (@elonmusk) March 27, 2023

ഏപ്രിൽ 1 മുതൽ ലെഗസി വെരിഫൈഡ് അക്കൗണ്ടുകൾക്കുള്ള ബ്ലൂ ടിക്കുകൾ നിർത്തലാക്കുമെന്ന് ട്വിറ്റർ പ്രഖ്യാപിച്ചിരുന്നു. ട്വിറ്റർ ബ്ലൂ ടിക്കിന് പണം നൽകുന്നവർക്ക് മാത്രമാണ് വെരിഫൈഡ് ബ്ലൂ ചെക്ക് മാർക്കുകൾ ഉള്ളത്. യുഎസിൽ വെബ് വഴി പ്രതിമാസം എട്ട് ഡോളറും ഇൻ-ആപ്പ് പേയ്‌മെന്റിലൂടെ പ്രതിമാസം 11 ഡോളറും ട്വിറ്റർ ഈടാക്കുന്നുണ്ട്.

Any individual person’s Twitter account affiliated with a verified organization is automatically verified https://t.co/5j6gx6UKHm

— Elon Musk (@elonmusk) March 24, 2023

ലെഗസി അക്കൗണ്ടുകൾ പരിശോധിച്ചുറപ്പിച്ച് ബ്ലൂ ടിക്കുകൾ നീക്കം ചെയ്യുമെന്നും ട്വിറ്ററിൽ ബ്ലൂ ടിക്ക് നിലനിർത്താൻ വ്യക്തികൾക്ക് ട്വിറ്റർ ബ്ലു ടിക് സൈൻ അപ്പ് ചെയ്യാമെന്നും ട്വിറ്റർ അവരുടെ ഔദ്യോഗിക അക്കൗണ്ടിൽ പോസ്റ്റ് ചെയ്തിരുന്നു. കമ്പനികൾക്കും ബ്രാൻഡുകൾക്കുമായി ട്വിറ്റർ അടുത്തിടെ ഒരു ഗോൾഡ് ചെക്ക് മാർക്കും സർക്കാർ അക്കൗണ്ടുകൾക്ക് ഗ്രേ ചെക്ക് മാർക്കും ട്വിറ്റർ അവതരിപ്പിച്ചിരുന്നു.

സോഷ്യൽ ബോട്ട് സോഫ്‌റ്റ്വെയർ ഓട്ടോമേറ്റഡ് പ്രവർത്തനമായതിനാൽ മറ്റ് അക്കൗണ്ടുകളിലേക്ക് ട്വീറ്റ് ചെയ്യുക, റീ-ട്വീറ്റ് ചെയ്യുക, ലൈക്ക് ചെയ്യുക, ഫോളോ ചെയ്യുക, നേരിട്ട് സന്ദേശമയയ്‌ക്കൽ തുടങ്ങിയ പ്രവർത്തനങ്ങൾ സ്വയം ചെയ്യുന്നു. ഇതിലൂടെ തെറ്റായ ഉള്ളടക്കങ്ങളും മറ്റ് വിവരങ്ങളും സ്വയം സൃഷ്ടിക്കുകയും മറുപടി നൽകുകയും ചെയ്യുന്നുണ്ട്. ഇത് രാഷ്‌ട്രീയ തിരഞ്ഞെടുപ്പുകളെ സ്വാധീനിക്കുന്നതിനും തെറ്റായ വിവരങ്ങൾ പ്രചരിപ്പിക്കുന്നതിനും കാരണമാകുന്നു.