ന്യൂഡൽഹി : ഇന്ത്യൻ അതിർത്തി കടന്ന് എത്തിയ പാക് ഡ്രോണിനെ വെടിവച്ച് വീഴ്ത്തി സുരക്ഷാ സേന. പഞ്ചാബിലെ അമൃത്സറിലെ ഇന്ത്യ-പാകിസ്താൻ അതിർത്തിയിലാണ് സംഭവം. കറുത്ത നിറമുള്ള ഡ്രോണിൽ നി്ന്ന് മയകുമരുന്നടങ്ങിയ ഒരു പൊതി സുരക്ഷാ സേന കണ്ടെടുത്തു. അതിർത്തിയിൽ കനത്ത സുരക്ഷ ഏർപ്പെടുത്തിയിരിക്കുന്നതായി സുരക്ഷാ സേന അറിയിച്ചു.
അതിർത്തിയിൽ വിന്യസിച്ചിരുന്ന സേന ഉദ്യോഗസ്ഥർക്ക് നേരത്തെ ഡ്രോൺ പാകിസ്താനിൽ നിന്ന് ഇന്ത്യയിലേക്ക്് വരുന്നതായി സൂചന ലഭിച്ചിരുന്നു. തുടർന്ന് സുരക്ഷാ ഉദ്യോഗസ്ഥർ പ്രദേശത്ത് നടത്തിയ തിരച്ചിലിൽ കറുത്ത നിറമുള്ള ഡ്രോണിൽ നിന്ന് മയക്കുമരുന്നു കണ്ടെത്തത്തുകയിരുന്നു.
കഴിഞ്ഞ ദിവസവും സമാനമായ സംഭവമുണ്ടായിരുന്നു . അമൃത്സറിലെ കൃഷിയിടത്തിൽ നിന്നും ബിഎസഎഫ് 6.275 കിലോഗ്രാം ഭാരമുള്ള ഹെറോയിൻ കണ്ടെടുത്തിരുന്നു. ഡ്രോൺ ഉപയോഗിച്ചു ഭീകരർക്ക് ആയുധങ്ങളും മയക്കുമരുന്നുകളും എത്തിക്കാൻ പാകിസ്താൻ നടത്തുന്ന തുടർച്ചയായുള്ള ശ്രമങ്ങളെയാണ് ബിഎസ്എഫ് പരാജയപ്പെടുത്തിയത്.
