മുംബൈ: മലയാളത്തിന്റെ ആക്ഷൻ ഹീറോ സുരേഷ് ഗോപിയും സംവിധായകൻ ജയരാജും 27 വർഷത്തിന് ശേഷം പുതിയ ചിത്രത്തിനായി ഒന്നിക്കുന്നു. ഇരുവരും ഒന്നിക്കുന്ന ചിത്രത്തിന്റെ ഷൂട്ടിംഗ് ആരംഭിച്ചെങ്കിലും ഇതുവരെ പേരിട്ടിട്ടില്ല. 1997-ൽ പുറത്തിറങ്ങിയ കളിയാട്ടം ആണ് ഇരുവരും ഒരുമിച്ച അവസന ചിത്രം.
ജയരാജുമായി സഹകരിക്കുന്നതിൽ ആവേശഭരിതനാണ് താനെന്ന് സുരേഷ് ഗോപി പറഞ്ഞു. ജയരാജുമായി തനിക്ക് ഒരുപാട് അനുഭവങ്ങൾ പറയാനുണ്ട് എങ്കിലും കളിയാട്ടം സിനിമയുടെ ഓർമ്മകളാണ് ഞങ്ങളിലും പ്രേക്ഷകരുടെ ഹൃദയത്തിലും അവശേഷിക്കുന്നതെന്ന് അദ്ദേഹം പറഞ്ഞു. പുതിയൊരു നാഴികക്കല്ല് സ്ഥാപിക്കുകയാണ് ഞങ്ങൾ. അതിനായി ഞങ്ങൾക്ക് ഒരു മികച്ച കഥ ലഭിച്ചു. കഴിവുള്ള അഭിനേതാക്കളുമായു അണിയറ പ്രവർത്തകരുമായും സഹകരിക്കാൻ താൻ കാത്തിരിക്കുകയാണെന്നും നടൻ കൂട്ടിച്ചേർത്തു.
വീണ്ടും ഒന്നിക്കാനായി ഒരു നല്ല സ്‌ക്രിപ്റ്റിന് വേണ്ടി തിരയുകയായിരുന്നു തങ്ങൾ രണ്ടുപേരുമെന്നും അവസാനം അത്തരത്തിലൊരു കഥ ലഭിച്ചതിൽ സന്തോഷമുണ്ടെന്നും സംവിധായകൻ ജയരാജ് പറഞ്ഞു. ഷൂട്ടിംഗ് ആരംഭിച്ചെന്നും കഥ എന്താണെന്ന് അറിയാൻ എല്ലാവരും ആകാഷയിലാണെന്നും അദ്ദേഹം പറഞ്ഞു. സിനിമ ഒരു ചരിത്രത്തിൽ നാഴികകല്ല് സൃഷ്ടിക്കുമെന്നാണ് തങ്ങൾ പ്രതീക്ഷിക്കുന്നതെന്നും അതിനായി എല്ലാവരും പരമാവധി ശ്രമിക്കുന്നുണ്ടെന്നും അദ്ദേഹം കൂട്ടിച്ചേർത്തു.
