ഓസ്കാർ തിളക്കത്തിന് പിന്നാലെ ആഗോളതലത്തിൽ ഏറെ ശ്രദ്ധയാകർഷിച്ച ഇന്ത്യൻ സിനിമാ ഗാനാമാണ് നാട്ടുനാട്ടു. ആർആർആർ സിനിമയിലെ എത്ര കണ്ടാലും കേട്ടാലും മതിവരാത്ത ഈ പാട്ടിന്റെ ദൃശ്യാവിഷ്കാരത്തെ തീർത്തും ക്രിയാത്മകമായി ഉപയോഗിച്ച ഒരു വീഡിയോയാണ് ഇപ്പോൾ വൈറലാവുന്നത്.
മലയാളികൾക്ക് ഒരിക്കലും മറക്കാൻ കഴിയാത്ത ധാംകിണക്ക ധില്ലം ധില്ലം എന്ന പാട്ട് പശ്ചാത്തലത്തിൽ നൽകി അതിമനോഹരമായാണ് വീഡിയോ എഡിറ്റ് ചെയ്തിരിക്കുന്നത്. നരസിംഹം എന്ന ചിത്രത്തിലെ ഈ ഹിറ്റ് ഗാനം പാടിയ എംജി ശ്രീകുമാറിന് ഈ വീഡിയോ വളരെയധികം ഇഷ്ടപ്പെടുകയും അദ്ദേഹം ഇത് ഫേസ്ബുക്കിലൂടെ പങ്കുവയ്ക്കുകയും ചെയ്തു. ഇത് എഡിറ്റ് ചെയ്തിറക്കിയവരെ സമ്മതിക്കണമെന്നാണ് എംജി ശ്രീകുമാർ അഭിപ്രായപ്പെട്ടത്.
നാട്ടു നാട്ടു ഗാനത്തിന് വേണ്ടി ജൂനിയർ എൻടിആറും രാം ചരണും ചേർന്ന് കാഴ്ചവച്ച ചടുലമായ നൃത്തച്ചുവടുകൾ ധാംകിണക്ക ധില്ലം പാട്ടിനോട് ചേർത്തുവച്ചപ്പോൾ കാഴ്ചക്കാർക്ക് വലിയ ഹരം പകരുകയായിരുന്നു. സമീപകാലത്ത് ഇത്രയും വിസ്മയിപ്പിച്ച എഡിറ്റിംഗ് കണ്ടില്ലെന്നാണ് വീഡിയോക്ക് താഴെ കമന്റുകൾ ഉയരുന്നത്.
