മലയാളികൾക്ക് ഏറെ ഇഷ്ടമുള്ള യുവ ദമ്പതിമാരിൽ രണ്ടുപേരാണ് ജീവയും ഭാര്യ അപര്ണ്ണയും. അവതാരകന് അഭിനേതാവ് എന്നീ നിലകളില് തിളങ്ങുന്ന ഇരുവരുടെയും അഭിമുഖങ്ങൾ പലപ്പോഴും വെെറലാകാറുണ്ട്. ഇവരുടെ കപ്പിൾ കെമിസ്ട്രിക്ക് വലിയ ആരാധകര് തന്നെയുണ്ട്. ദിവസങ്ങളായി ഇരുവരും വേര്പിരിഞ്ഞുവെന്ന തരത്തില് വാർത്തകൾ എത്തിയിരുന്നു. ഇപ്പോഴിതാ ഈ വിഷയത്തില് പ്രതികരിക്കുകയാണ് ജീവയും അപര്ണ്ണയും. ഒരു ഓൺലെെൻ മാദ്ധ്യമത്തിന് നല്കിയ അഭിമുഖത്തിലായിരുന്നു ഇരുവരുടെയും വാക്കുകള്.
വേര്പിരിഞ്ഞു എന്നുള്ള വാര്ത്തകള് പല ചാനലുകളിലും കാണാറുണ്ടെന്നും എന്നാൽ ഇതുവരെ അത് സംഭവിച്ചിട്ടില്ലെന്നും അപര്ണ്ണ വ്യക്തമാക്കി. ഇനി പിരിയുകയാണെങ്കില് സമൂഹ മാദ്ധ്യമത്തിലൂടെ എല്ലാവരെയും അറിയിച്ചിട്ട് മാത്രമേ ചെയ്യൂ എന്നും, നല്ല അടിപൊളി കാര്ഡ് ഉണ്ടാക്കി ഇന്സ്റ്റഗ്രാമില് പോസ്റ്റ് ചെയ്ത് കമന്റ് സെക്ഷന് ഓഫാക്കി ഇടുമെന്നും അപര്ണ്ണ പറയുന്നു.
അതേസമയം വിവാഹ മോചനം ഒരിക്കലും ഒരു തെറ്റായ കാര്യമല്ല. വേര്പിരിഞ്ഞാലും താന് ചിലപ്പോള് വേറെ കല്യാണം കഴിച്ചേക്കാം. ഒരുമിച്ച് ജീവിക്കാന് കഴിയുന്നില്ലെങ്കില് വേര്പിരിയുന്നത് തന്നെയാണ് നല്ലത്. ഒരു മുറിയില് റൂംമേറ്റ്സിനെ പോലെ, മറ്റുള്ളവരെ ബോധ്യപ്പെടുത്താന് അഭിനയിച്ചു ജീവിയ്ക്കണമെന്ന് ഒരിക്കലും പറയാന് പറ്റില്ല. അത് രണ്ട് പേരുടെയും ലൈഫ് കളയുന്നതിന് തുല്യമാണെന്നും ഇരുവരും വ്യക്തമാക്കി.
Comments