മുംബൈ: ഐപിഎൽ പതിനാറാം സീസണിന്റെ ഉദ്ഘാടനവും ആദ്യ മത്സരവും നടക്കുന്നത് അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ്. നിലവിലെ ചാമ്പ്യൻമാരായ ഗുജറാത്ത് ടൈറ്റൻസും ചെന്നൈ സൂപ്പർ കിംഗ്സുമാണ് ആദ്യ മത്സരത്തിൽ കളിക്കുന്നത്. എന്നാൽ കായിക മാമാങ്കത്തിന് കൊടിയേറും മുമ്പ് തന്നെ മഞ്ഞ ജെഴ്സിയിൽ നിറഞ്ഞിരിക്കുകയാണ് നരേന്ദ്രമോദി സ്റ്റേഡിയം.
എം എസ് ധോണിയുടെ ജെഴ്സിയും പ്ലക്കാർഡുകളും ഫ്ലക്സുകളുമായാണ് ആരാധകരെത്തിയിരിക്കുന്നത്. ഇന്ന് നരേന്ദ്രമോദി സ്റ്റേഡിയത്തിന് അകത്തും പുറത്തുമുള്ള കാഴ്ചകളിലെല്ലാം മഞ്ഞ നിറത്തിൽ നിറഞ്ഞിരിക്കുകയാണ്.
ചെന്നൈയുടെ തല ധോണിയെ വീണ്ടും ക്രീസിൽ കാണുന്ന ആവേശത്തിലാണ് ചെന്നൈ ആരാധകർ. ഗുജറാത്ത് ടൈറ്റൻസിന്റെ ഹോം ഗ്രൗണ്ടാണ് നരേന്ദ്രമോദി സ്റ്റേഡിയം. ഗുജറാത്തിനെ ഹാർദിക് പാണ്ഡ്യയും ചെന്നൈയെ എം എസ് ധോണിയുമാണ് നയിക്കുന്നത്.
Comments