ധ്യാൻ ശ്രീനിവാസൻ നായകവേഷത്തിലെത്തുന്ന പുതിയ ചിത്രമായ ബുള്ളറ്റ് ഡയറീസിലെ വീഡിയോ ഗാനം പുറത്തിറങ്ങി. ‘മിഴികൾ വാനിലാരെ തേടും’ എന്ന ഗാനമാണ് പുറത്തിറങ്ങിയത്. ഗാനത്തിന് വരികൾ രചിച്ചിരിക്കുന്നത് അനു എലിസബത്ത് ജോസാണ്. ഷാൻ റഹ്മാനാണ് സംഗീത സംവിധാനം. ഷാൻ തന്നെയാണ് മനോഹരമായ പ്രണയഗാനം ആലപ്പിച്ചിരിക്കുന്നതും.
നവാഗതനായ സന്തോഷ് മണ്ടൂർ തിരക്കഥ എഴുതി സംവിധാനം ചെയ്യുന്ന ചിത്രമാണ് ബുള്ളറ്റ് ഡയറീസ്. ബി3എം ക്രിയേഷൻസാണ് സിനിമ നിർമ്മിക്കുന്നത്. ധ്യാൻ ശ്രീനിവാസനെക്കൂടാതെ പ്രയാഗ മാർട്ടിൻ, രഞ്ജി പണിക്കർ, ജോണി ആന്റണി, സുധീർ കരമന, ശ്രീകാന്ത് മുരളി, അൽത്താഫ് സലിം, ഷാലു റഹീം, ശ്രീലക്ഷ്മി എന്നിവർ ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നു.
ചിത്രത്തിൽ അനു എലിസബത്ത് ജോസിന് പുറമേ കൈതപ്രവും വരികൾ രചിച്ചിട്ടുണ്ട്. ഫൈസൽ അലിയാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. എഡിറ്റംഗ്-രഞ്ജൻ എബ്രഹാം, കലാസംവിധാനം അജയൻ മാങ്ങാട്, വസ്ത്രാലങ്കാരം-സമീറ സനീഷ്.
Comments