സാംബിയയുടെ തലസ്ഥാനമായ ലുസാക്കയിൽ സന്ദർശനം നടത്തി യുഎസ് വൈസ് പ്രസിഡന്റ കമലാ ഹാരീസ്. സാംബിയിയിലെ സന്ദർശന വേളയിൽ കമലാഹാരീസ് തന്റെ മാതൃപിതാവിന്റെ ഭവനത്തിൽ സന്ദർശനം നടത്തി. 1960-ൽ ഇന്ത്യൻ ഫോറിൻ സർവീസ് ഉദ്യോഗസ്ഥനായി സേവനമനുഷ്ഠിച്ചിരുന്ന പി.വി ഗോപാലനാണ് കമലാ ഹാരീസിന്റെ മുത്തച്ഛൻ.
തന്റെ കുടുംബ വീട് സന്ദർശിച്ചതിനെപ്പറ്റി മാദ്ധ്യമങ്ങളോട് കമല ഹാരിസ് പ്രതികരിച്ചു. ‘എന്റെ മുത്തച്ഛൻ സാംബിയയിലാണ് ജോലി ചെയ്തിരുന്നത്. അദ്ദേഹത്തിന്റെ കുടുംബ വീട് ഇവിടാണ്. മുത്തച്ഛൻ ഇവിടെ ജോലി ചെയ്തിരുന്ന കാലത്ത് ഞാൻ ഇവിടെ സന്ദർശനം നടത്തിയിരുന്നു’ എന്ന് കമല ഹാരിസ് പറഞ്ഞു.
1911-ൽ ചെന്നൈയിലാണ്് പി.വി ഗോപാലൻ ജനിച്ചത്. 1960-കളിൽ കേന്ദ്ര സർക്കാറിന്റെ ജോയിന്റെ സെക്രട്ടറിയായും സാംബിയയുടെ ആദ്യ പ്രസിഡന്റ് കെന്നത്ത് കൗണ്ടയുടെ ഉപദേശകനായും അദ്ദേഹം സേവനമനുഷ്ഠിച്ചിട്ടുണ്ട്. അഭയാർത്ഥികളെ പുനരധിവസിപ്പിക്കുന്നതിൽ തന്റെ മുത്തച്ഛൻ വിദ്ഗദനായിരുന്നുവെന്നും കമലാ ഹാരീസ് പറഞ്ഞു.
Comments