ഭോപ്പാൽ : മധ്യപ്രദേശിലെ ഉജ്ജയിനിലെ മഹാകാലേശ്വർ ക്ഷേത്രം സന്ദർശിച്ച് ബോളിവുഡ് താരം രവീണ ടണ്ടൻ. കഴിഞ്ഞ ദിവസം വെെകുന്നേരമാണ് ക്ഷേത്രത്തിലെത്തിയത്. ശ്രീകോവിലിനുള്ളിൽ ധാര നടത്തി. തുടർന്ന് ക്ഷേത്രത്തിലെ നന്ദിഹാളിലെ പ്രാർത്ഥനയ്ക്ക് ശേഷമാണ് നടി മടങ്ങിയത്. രാജ്യത്തെ ജനങ്ങളുടെ സന്തോഷത്തിനും സമൃദ്ധിക്കും വേണ്ടിയാണ് താൻ പ്രാർത്ഥിച്ചതെന്ന് ദർശനത്തിന് ശേഷം മാദ്ധ്യമപ്രവർത്തകരോട് സംസാരിക്കവെ രവീണ പറഞ്ഞു.
കഴിഞ്ഞ ദിവസം രാവിലെ ദേശീയ സുരക്ഷാ ഉപദേഷ്ടാവ് (എൻഎസ്എ) അജിത് ഡോവൽ മഹാകാൽ ക്ഷേത്രത്തിലെത്തി ഭസ്മ ആരതിയിൽ പങ്കെടുത്തിരുന്നു. ഭസ്മ ആരതി മഹാകാൽ ക്ഷേത്രത്തിലെ ഒരു പ്രസിദ്ധമായ ആചാരമാണ്. പുലർച്ചെ 4 നും 5:30 നും ഇടയിലുള്ള ബ്രഹ്മ മുഹൂർത്തത്തിലാണ് ഭസ്മ ആരതി നടത്തുന്നത്. ശനിയാഴ്ച ഇന്ത്യൻ ക്രിക്കറ്റ് താരം വിവിഎസ് ലക്ഷ്മണും ക്ഷേത്രം സന്ദർശിച്ചിരുന്നു.
Comments