ബെംഗളൂരു: വീട്ടിലുണ്ടാക്കിയ കറിയുടെ പേരിൽ അച്ഛനും മകനും തമ്മിൽ കൂട്ടയടി. സംഭവത്തിൽ വിറക് കമ്പ് കൊണ്ട് അച്ഛൻ മകനെ അടിച്ചുകൊലപ്പെടുത്തി. കർണാടകയിലെ ദക്ഷിണ കന്നഡ ജില്ലയിലാണ് സംഭവം. ശിവറാം എന്നയാളാണ് വാക്കുതർക്കത്തിനൊടുവിൽ കൊല്ലപ്പെട്ടത്.
വീട്ടിലുണ്ടാക്കിയ ചിക്കൻ കറിയുടെ പേരിലാണ് അച്ഛൻ ഷീനയും മകനുമായി വാക്കേറ്റമുണ്ടായത്. പുറത്തുപോയി വന്ന ശിവറാമിന് കറി വെച്ചിരുന്നില്ല, ഇതിനെ തുടർന്ന് വഴക്കുണ്ടാവുകയായിരുന്നു. ഇതിനിടെയിൽ മരക്കമ്പ് ഉപയോഗിച്ച് തലയ്ക്കടിക്കുകയും മരണത്തിൽ കലാശിക്കുകയുമായിരുന്നു. സംഭവത്തിൽ പിതാവിനെ പോലീസ് അറസ്റ്റ് ചെയ്തു.
Comments