തങ്ങളുടെ ആദ്യ കുഞ്ഞിനെ വരവേൽക്കാനുള്ള ഒരുങ്ങി തെന്നിന്ത്യൻ സൂപ്പർ താരം രാം ചരണും ഭാര്യ ഉപാസന കാമിനേനിയും. ഇപ്പോഴിതാ, ദുബായിൽ ബേബി ഷവര്‍ ആഘോഷമാക്കിയിരിക്കുകയാണ് താരദമ്പതികൾ. കുടുംബത്തോടൊപ്പമായിരുന്നു ആഘോഷം.
ഉപാസനയുടെ സഹോദരികളായ അനുഷ്പാല കാമിനെനിയും സിന്ദൂരി റെഡ്ഢിയും ചേര്‍ന്നാണ് ആഘോഷങ്ങള്‍ സംഘടിപ്പിച്ചത്. അടുത്ത സുഹൃത്തുക്കളും ബന്ധുക്കളും മാത്രമായിരുന്നു ബേബി ഷവറിൽ പങ്കെടുത്തത്. വൈറ്റ് ഡ്രസ്സിൽ തിളങ്ങിയ ഇരുവരുടെയും ചിത്രങ്ങൾ സമൂഹമാദ്ധ്യമങ്ങളിൽ വൈറലാകുകയാണ്. ഉപാസന തന്നെയാണ് ഇതിന്റെ ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചത്.
സംരഭകയും അപ്പോളോ ആശുപത്രി ശൃംഖലയുടെ ചെയര്‍മാന്‍ പ്രതാപ് റെഡ്ഡിയുടെ കൊച്ചുമകളുമാണ് ഉപാസന. നിലവിലെ അപ്പോളോ ആശുപത്രിയുടെ വൈസ് ചെയര്‍പേഴ്‌സണായ ഉപാസന നിരവധി ജീവ കാരുണ്യ പ്രവർത്തനങ്ങളിലും സജീവമാണ്.
2012 ജൂണ്‍ 14-നായിരുന്നു ഉപാസനയുടേയും രാം ചരണിന്റേയും വിവാഹം.
