പ്രേക്ഷകരുടെ കാത്തിരിപ്പിനൊടുവിൽ കഴിഞ്ഞ ദിവസമാണ് ‘രോമാഞ്ചം’ ഒടിടിയിൽ റിലീസ് ചെയ്തത്. ഡിസ്നി പ്ലസ് ഹോട് സ്റ്റാറിലായിരുന്നു ചിത്രത്തിന്റെ റിലീസ്. എന്നാൽ, ചിത്രം ഇറങ്ങിയതിന് പിന്നാലെ പതിപ്പിനെതിരെ വൻ പരാതിയാണ് ഉയർന്നു കൊണ്ടിരിക്കുന്നത്. ആദരാഞ്ജലി, ആത്മാവേ പോ, തല തെറിച്ചവര് തുടങ്ങിയ സുഷിന് ശ്യാം സംഗീതം നല്കിയ പാട്ടുകള് ചിത്രത്തിന്റെ ജനപ്രീതിയില് വലിയ പങ്കു വഹിച്ചിരുന്നു.
ഒടിടിയിലെത്തിയ പതിപ്പിൽ പാട്ടുകൾ ഇല്ലെന്നാണ് പരാതി. വോക്കല്സ് ഇല്ലാത്ത കരോക്കേ രൂപത്തിലുള്ള പാട്ടുകളാണ് മൊബൈലിൽ കാണുന്നത്. എന്നാൽ ടിവിയിലേക്ക് കണക്ട് ചെയ്യുമ്പോൾ വോക്കല്സോടുകൂടി പാട്ടുകള് ലഭിക്കുന്നുണ്ട്.
ഹിറ്റ് ഗാനങ്ങളാണ് ചിത്രത്തിന്റെ ആത്മാവെന്നും അത് ഇല്ലത്തതിനാൽ സിനിമയുടെ ജീവൻ നിലച്ചെന്നുമാണ് ആരാധകർ പറയുന്നത്. ടെക്നിക്കല് പ്രശ്നങ്ങള് എത്രയും വേഗം പരിഹരിക്കണമെന്നാവശ്യപ്പെട്ട് നിരവധി പേരാണ് സമൂഹമാദ്ധ്യമങ്ങളിൽ പരാതി പങ്കുവെച്ചിരിക്കുന്നത്. ഉടൻ തന്നെ ഡിസ്നി പ്രശ്നങ്ങൾക്ക് പരിഹാരം കണ്ടെത്തുമെന്ന പ്രതീക്ഷയിലുമാണ് ആരാധകർ.
