മലയാളിയുടെ തീരാ പ്രണയമാണ് മോഹൻലാൽ. നാൽപ്പതിൽ അധികം വർഷങ്ങളായി മലയാള സിനിമയിൽ വിസ്മയം തീർക്കുന്ന ഈ മഹാനടൻ മലയാളത്തിന്റെ താര രാജാവ് തന്നെയാണ്. 1980ല്‍ പ്രതിനായകത്വത്തില്‍ ആരംഭിച്ച അഭിനയ മഹാപ്രയാണം കേവല ഹാസ്യവും ഹീറോയിസവും തീവ്രവൈകാരികതയും അതിമാനുഷിക നായകത്വവുമെല്ലാം കടന്ന് ഓരോ ദിവസത്തിന്റെയും സജീവ സാന്നിദ്ധ്യമായി മാറി. ഇത്രയും കാലകത്തെ അഭിനയ ജീവിതത്തിൽ അദ്ദേഹത്തിനെ തേടി വരാത്ത പുരസ്‌കാരങ്ങളും അംഗീകാരങ്ങളും ഇല്ല എന്ന് തന്നെ പറയേണ്ടി വരും.
എന്തോ എന്നെ ഇഷ്ടമാണ് ആളുകൾക്ക് എന്ന് പറയുംപോലെ മലയാളത്തിലെ ഒട്ടുമിക്ക നായികാ നായകൻമാർക്കും അദ്ദേഹത്തോട് ആരാധനയാണ്. ഈ കാലയളവിൽ മോഹൻലാലിനൊപ്പം ഒരുപാട് നടിമാർ അഭിനയിച്ചിട്ടുണ്ട്. എന്നാൽ മോഹൻലാൽ ഒരു നടിയ്‌ക്കൊപ്പം അഭിനയിക്കണമെന്ന് ആഗ്രഹിച്ചിട്ടുണ്ട്. അന്തരിച്ച ബോളിവുഡ് താര സുന്ദരി ശ്രീദേവിയോടൊപ്പം ഒരു സിനിമയിലെങ്കിലും അഭിനയിക്കണം എന്നായിരുന്നു മോഹൻലാൽ വലിയ ആഗ്രഹങ്ങളിൽ ഒന്ന്. മോഹൻലാലിന്റെ ആ നടക്കാതെ പോയ സ്വപ്നത്തെ കുറിച്ച് നടി മേനക മുമ്പ് ഒരിക്കൽ പറഞ്ഞ വാക്കുകളാണ് ഇപ്പോൾ വെെറലാകുന്നത്.
ലാലേട്ടനൊപ്പം അഭിനയിച്ച സിനിമകളിൽ ഏറ്റവും ഇഷ്ടമുള്ളത് അപ്പുണ്ണി എന്ന ചിത്രമാണെന്നാണ് മേനക പറയുന്നത്. ലാലേട്ടനെ ആ ചിത്രത്തിൽ കാണാനും വലിയ രസമാണ്. ഒരു മാഷിന്റെ കഥാപാത്രം ആയിരുന്നു അതിൽ. അതിൽ ഒരു ഗാന രംഗത്തിൽ ലാലേട്ടനൊപ്പം ഒരു വള്ളത്തിൽ യാത്ര ചെയുന്നത് ഷൂട്ട് ചെയ്യാൻ ഉണ്ടായിരുന്നു. അതിന്റെ റിഹേഴ്സലിന് ഇടെയാണ് ലാലേട്ടൻ ഇക്കാര്യം പറയുന്നത്.
നടി ശ്രീദേവിയോടൊപ്പം ഒരു സിനിമയിൽ എങ്കിലും അഭിനയിക്കണം, ഒരു വലിയ ആഗ്രഹമാണെന്നും അത് നടക്കുമോയെന്നും മോഹൻലാൽ ചോദിച്ചു. അതിനെന്താ ചേട്ടാ അതൊക്കെ നടക്കുമെന്നാണ് ഉത്തരം നൽകിയത്. അതിന് ശേഷം പ്രിയൻ ചേട്ടൻ പിന്നിട് ഹിന്ദിയിൽ സിനിമകൾ ചെയ്തു. അപ്പോഴെല്ലാം ലാലേട്ടനെയും ശ്രീദേവിയെയും ഒരുമിച്ച് സ്‌ക്രീനിൽ കാണാൻ പറ്റുമെന്നു വിചാരിച്ചു. എന്നാൽ അത് നടക്കാതെ പോയി. ലാലേട്ടൻ ചിന്തിച്ച ഒരുപാട് കാര്യങ്ങൾ നടന്നിട്ടുണ്ട്. പക്ഷെ ഇത് നടക്കാത്തതിൽ അതിയായ വിഷമമുണ്ടെന്നും മേനക വെളിപ്പെടുത്തിയരുന്നു.
