അർജുൻ അശോകൻ, ശ്രീനാഥ് ഭാസി, ഷറഫുദ്ദീൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന റോഡ് മൂവി ഖജുരാഹോ ഡ്രീംസിന്റെ ടീസർ പുറത്തിറങ്ങി. നവാഗതനായ മനോജ് വാസുദേവിന്റെ സംവിധാനത്തിലാണ് ചിത്രം അണിയറയിൽ തയ്യാറെടുക്കുന്നത്. ധ്രുവൻ, അതിഥി എന്നിവരാണ് ചിത്രത്തിലെ മറ്റ് ശ്രദ്ധേയമായ കഥാപാത്രങ്ങളെ അവതരിപ്പിക്കുന്നത്.
കോമഡി പശ്ചാത്തലത്തിലൂടെ നീങ്ങുന്ന ചിത്രത്തിൽ ശക്തമായ സാമൂഹിക പ്രശ്നം കൂടി ചർച്ച ചെയ്യുന്നുണ്ട്. മലയാള സിനിമയിൽ ഇതുവരെ കാണാത്ത സ്ഥലങ്ങളാണ് ചിത്രത്തിൽ ലൊക്കേഷനുകളായി എടുത്തിരിക്കുന്നത്. മദ്ധ്യപ്രദേശിലെ പ്രസിദ്ധമായ ഖജുരാഹോ ക്ഷേത്രവും ചിത്രത്തിലെ സുപ്രധാന ലൊക്കേഷനുകളിൽ ഒന്നാണ്. അഞ്ച് സുഹൃത്തുക്കളുടെ ആത്മബന്ധവും സൗഹൃദവും അവർ നടത്തുന്ന റോഡ് ട്രിപ്പുമാണ് ചിത്രത്തിന്റെ ഇതിവൃത്തം.
സച്ചി-സേതു കൂട്ടുകെട്ടിലൊരുങ്ങുന്ന ചിത്രത്തിന്റെ തിരക്കഥ ഒരുക്കിയിരിക്കുന്നതും സേതുവാണ്. ഗോപീസുന്ദറിന്റെ താളത്തിലാണ് ചിത്രത്തിലെ സംഗീതവും പശ്ചാത്തല സംഗീതവും ഒരുങ്ങിയിരിക്കുന്നത്. ബോളിവുഡ് താരം രാജ് അർജുൻ, ജോണി ആന്റണി, ചന്തു നാഥ്, സോഹൻ സീനുലാൽ, സാദിക്, വർഷ വിശ്വനാഥ്, രക്ഷ എന്നിങ്ങനെ നിരവധി കഥാപാത്രങ്ങളും ചിത്രത്തിൽ അണിനിരക്കുന്നുണ്ട്.
Comments