ബംഗളൂരു: കർണ്ണാടക നിയമസഭ തിരഞ്ഞെടുപ്പിലെ സ്ഥാനാർത്ഥികളുടെ രണ്ടാമത്തെ പട്ടിക ബിജെപി പുറത്തുവിട്ടു. . 23 പേരുടെ പട്ടികയാണ് ഇന്നലെ പുറത്ത് വന്നിരിക്കുന്നത്. ഇതോടെ 224 സീറ്റുകളിലെ 212 സ്ഥാനാർത്ഥികളുടെ പേരുകൾ പ്രഖ്യാപിച്ചു. കഴിഞ്ഞ ദിവസം 189 സ്ഥാനാർത്ഥികളുടെ പട്ടിക പാർട്ടി പുറത്തുവിട്ടിരുന്നു. ഇനി 12 സ്ഥാനാർത്ഥികളുടെ പേരുകൾ കൂടി പ്രഖാപിക്കാനുണ്ട്. സ്ത്രി പ്രധിനിധ്യം കൊണ്ടും പുതിയ പട്ടിക ശ്രദ്ധേയമാണ്. ആദ്യം പുറത്തിറക്കിയ പട്ടികയിൽ 189 പേരിൽ 52 പേർ പുതുമുഖങ്ങളായിരുന്നു.
ആദ്യ പട്ടികയിൽ എട്ട് സ്ത്രീകളാണ് സ്ഥാനാർത്ഥി പട്ടികയിലുണ്ടായിരുന്നത്. പുതിയ പട്ടികയിൽ രണ്ട് സ്ത്രികളുടെ പേരും ഇടംപിടിച്ചു. ഇതോടെ ആകെ മൊത്തം 10 സ്ത്രികൾ സ്ഥാനാർത്ഥി പട്ടികയിൽ ഇടം പിടിച്ചു. മെയ് 10-നാണ് സംസ്ഥാനത്ത് തിരഞ്ഞെടുപ്പ് നടക്കുന്നത്. 13-നാണ് ഫലം പുറത്തുവരുന്നത്.
രാഹുലിന്റെ വിവാദ പ്രസംഗത്തോടെ ശ്രദ്ധയമായ കോലാർ മണ്ഡലത്തിലെ സ്ഥാനാർത്ഥിയുടെ പേരും ഇന്നലെ പുറത്തുവിട്ട പട്ടികയിലാണുള്ളത്. കോൺഗ്രസിൽ നിന്നും ബിജെപിയിൽ ചേർന്ന നാഗരാജ് ചബ്ബിയും ഇന്നലെ പുറത്തുവന്ന പുതിയ പട്ടികയിൽ ഇടം പിടിച്ചിട്ടുണ്ട്. ആദ്യം കോൺഗ്രസിന് മുൻതൂക്കം കൊടുത്തിരുന്നെങ്കിലും നിലവിൽ ബിജെപിക്ക് വിജയ സാധ്യത പ്രഖ്യപിച്ചിരിക്കുകയാണ്. എക്സിറ്റ് പോൾ പ്രവചനങ്ങൾ.
