ആരാധകർക്ക് ഏറെ പ്രിയപ്പെട്ട താരദമ്പതികളാണ് നയൻതാരയും വിഘ്നേഷ് ശിവനും. ചുരുക്കം നാളുകൾകൊണ്ടുതന്നെ തമിഴകത്തെ ശ്രദ്ദേയനായ സംവിധായകനായി മാറിയിരിക്കുകയാണ് വിഘ്നേഷ് ശിവൻ. കഴിഞ്ഞ ജൂണിൽ ആയിരുന്നു താരങ്ങളുടെ ആഢംബര വിവാഹം. സിനിമാലോകം ആകാംക്ഷയോടെ കാത്തിരുന്നൊരു താരവിവാഹം കൂടിയായിരുന്നു ഇരുവരുടെയും. തങ്ങളുടെ ജീവിതത്തിലെ പല വിശേഷങ്ങളും വിഘ്നേഷ് ശിവൻ സമൂഹമാദ്ധ്യമങ്ങളിലൂടെ ആരാധകരുമായി പങ്കിടാറുണ്ട്. ഇക്കാരണങ്ങൾ കൊണ്ട് തന്നെയാണ് ഇരുവരും ആരാധകർക്ക് ഏറെ പ്രിയപ്പട്ടവരായതും.
വിവാഹ ശേഷം വാടക ഗർഭധാരണവുമായി ബന്ധപ്പെട്ട് ചില വിവാദങ്ങൾ വിഘ്നേഷിനും നയൻതാരയ്ക്കും അഭിമുഖീകരികരിക്കേണ്ടി വന്നിരുന്നു. എന്നാൽ ഇപ്പോൾ വളരെ സ്വകാര്യമായ ചില കാര്യങ്ങളിൽ വിശദീകരണവുമായി എത്തിയിരിക്കുകയാണ് വിഘ്നേഷ്. നയൻതാരയുടെ ആദ്യകാല കാമുകൻ കൂടി ആയിരുന്ന നടൻ ചിമ്പുവിനെ കുറിച്ച് ഒരു അഭിമുഖത്തിൽ സംസാരിച്ചിരിക്കുകയാണ് വിഘ്നേഷ്.
താനും ചിമ്പുവും സ്കൂൾമേറ്റ്സാണെന്നും കുറെ വർഷങ്ങളായി അദ്ദേഹത്തെ അറിയാമെന്നും വിഘ്നേഷ് പറഞ്ഞു. ഇരുവരും തമ്മിൽ സിനിമയ്ക്ക് പുറമേ ഒരുപാട് സൗഹൃദ സംഭാഷണങ്ങൾ ഉണ്ടാകാറുണ്ട്. തങ്ങൾ ഒരുമിച്ച് ഒരുപാട് യാത്രകൾ ചെയ്തിട്ടുണെന്നും വിക്കി പറയുന്നു. അടുത്തിടെ കമൽസാറിന്റെ ജന്മദിനാഘോഷത്തിൽ കണ്ടിരുന്നു. വിഘ്നേഷിന്റെ ആദ്യ ചിത്രമായിരുന്ന പോടാ പോടിയിൽ നായകനും ചിമ്പു തന്നെയായിരുന്നു. തന്റെ എല്ലാ നേട്ടങ്ങളിലും സന്തോഷം അറിയിക്കുന്ന വ്യക്തി കൂടിയാണ് ചിമ്പുവെന്നും വിഘ്്നേഷ് പറയുന്നു
Comments