മയിലിന്റെ കൂട്ടിൽ നിന്നും മുട്ട കട്ടെടുക്കാൻ ശ്രമിച്ച യുവതികൾക്ക് കിട്ടിയ പണിയാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. ഏതോ ഒരു ദുർബല നിമിഷത്തിൽ തോന്നിയ ബുദ്ധിയുടെ അടിസ്ഥാനത്തിൽ മരത്തിൽ തപ്പിപിടിച്ചുകയറി മയിലിന്റെ കൂട്ടിൽ നിന്നും മുട്ട ശേഖരിക്കാൻ കയറിയതായിരുന്നു യുവതികൾ. എന്നാൽ ഇതുകണ്ട് പറന്നു വന്ന മയിൽ യുവതികളെ അതിക്രൂരമായി ആക്രമിക്കുന്ന ദൃശ്യങ്ങളാണ് വൈറലായ വീഡിയോയിലുളളത്.
മരത്തിൽ കയറിയ സ്ത്രീ കൂട്ടിൽ നിന്നും മുട്ടയെടുക്കുന്നതും താഴെ നിൽക്കുന്ന യുവതിയുടെ കയ്യിലേക്ക് മുട്ടകൾ കൈമാറുന്നതുമാണ് വീഡിയോയുടെ തുടക്കം. എന്നാൽ ഇതുകണ്ട മയിൽ അതിവേഗം പറന്നെത്തുകയും മരത്തിലുള്ള യുവതിയുടെ തല കൊത്തിപ്പറിക്കുകയും ചെയ്തു. ശേഷം താഴെ നിൽക്കുകയായിരുന്നു യുവതിയെയും മയിൽ ആക്രമിച്ചു. ഇതോടെ യുവതി ശേഖരിച്ച മുട്ടകളെല്ലാം നിലത്തുവീഴുന്നതും ദൃശ്യങ്ങളിൽ കാണാം.
നിമിഷ നേരം കൊണ്ടാണ് വീഡിയോ വൈറലായത്. ഇതിനേക്കാൾ കൂടുതൽ ശിക്ഷ യുവതികൾ അർഹിക്കുന്നുവെന്നാണ് കാഴ്ചക്കാരുടെ അഭിപ്രായം. വൈറലായ വീഡിയോ ഇതിനോടകം ഒരുലക്ഷത്തിലധികം പേർ ട്വിറ്ററിൽ ആസ്വദിച്ചുകഴിഞ്ഞൂ.
വീഡിയോ
They deserved more! 💪
— The Figen (@TheFigen_) April 17, 2023
