പല ആരോഗ്യപ്രശ്നങ്ങളുടെയും സൂചന നൽകുന്നത് നാവാണ്! വിശ്വസിക്കാൻ കഴിയുന്നില്ലായിരിക്കാം, എന്നാൽ നാവ് നൽകുന്ന സൂചനകൾ തള്ളിക്കളയാൻ കഴിയില്ല. നാവിനുണ്ടാകുന്ന പല മാറ്റങ്ങൾക്കും നമ്മുടെ ആരോഗ്യത്തിനുണ്ടാകുന്ന പ്രശ്നങ്ങൾ തന്നെയാണ്. പക്ഷേ നമ്മളിൽ പലരും അത് ശ്രദ്ധിക്കാറില്ലെന്നതാണ് വാസ്തവം.
നാവിന്റെ നിറം, ആകൃതി, ജലാംശം എന്നിവയിലൊക്കെ മാറ്റങ്ങൾ സംഭവിക്കാം. പൂർണ ആരോഗ്യവാനായ ഒരാളുടെ നാവിന് ഇളം പിങ്ക് നിറമായിരിക്കും. എന്നാൽ ചിലരുടെ നാവിന് ചുവപ്പും ബ്രൗണും ആയിരിക്കും. ഇളം ബ്രൗൺ നിറം സൂചിപ്പിക്കുന്നത് വൃത്തിയില്ലായ്മയെയാണ്. ചുവന്ന നിറത്തിലുള്ള നാവ് ആരോഗ്യത്തിന്റ ലക്ഷണമായിട്ടാണ് പലരും കാണുന്നത്, പക്ഷേ ശരീരത്തിലെ പോഷകങ്ങളുടെയും വിറ്റാമിൻ ബി യുടയെും കുറവാണ് നാവിന് ചുവപ്പ് നിറമാകാൻ കാരണം.
ചിലരുടെ നാവിന് വിള്ളൽ വന്നതുപോലെയുള്ള പാടുകൾ കാണാൻ സാധിക്കും. ഇത് ശരീരത്തിലെ ഹീമോഗ്ലാബിന്റെ കുറവിനെയാണ് സൂചിപ്പിക്കുന്നത്. നാവിന വൃത്തിയാക്കി പരിപാലിക്കാനും ആവശ്യത്തിന് വെള്ളം കുടിക്കേണ്ടതും അനിവാര്യമാണ്.
Comments