ശ്രീനഗർ: അമർനാഥ് തീർത്ഥാടനത്തിന് 2023-ന് ഒരുക്കങ്ങൾ ആരംഭിച്ചു. ഭഗവാൻ മഹാദേവന്റെ വാസസ്ഥലമെന്ന് വിശ്വസിക്കുന്ന അമർനാഥ് ക്ഷേത്രം ഹിന്ദുവിശ്വാസികളുടെ ഒരു പ്രധാന തീർത്ഥാടന കേന്ദ്രമാണ്. ഈ വർഷം അമർനാഥ് യാത്ര 2023 ജൂലൈ ഒന്ന് മുതൽ ആഗസ്റ്റ് 31 വരെയാണ് നടക്കുന്നത്.
ഭക്തർക്ക് സുഖമവും തടസ്സരഹിതവുമായ യാത്ര ഭരണകൂടം ഉറപ്പ് നൽകിയിട്ടുണ്ട്. താമസം, വൈദ്യുതി, വെള്ളം, സുരക്ഷ, മാലിന്യ സംസ്കരണം എന്നിവയ്ക്ക് കൃത്യമായ സജീകരണങ്ങളും ഭരണകൂടം ഏർപ്പെടുത്തിയിട്ടുണ്ട്. സന്ദർശകർക്ക് മികച്ച ആരോഗ്യപരിരക്ഷ, അവശ്യസൗകര്യങ്ങളും ഉറപ്പാക്കുന്നതിനാണ് മുൻഗണനയെന്ന് ലെഫറ്റനന്റ് ഗവർണർ മനോജ് സിൻഹ പ്രസ്താവിച്ചു.
ലോകമെമ്പാടുമുള്ള ഭക്തർക്കായി ക്ഷേത്ര അധികൃതർ പ്രാർത്ഥനകളുടെ തത്സമയ സംപ്രേക്ഷണം ഒരുക്കും.യാത്രയ്ക്ക് രജിസ്റ്റ്ട്രേഷൻ ചെയ്യുന്നതിനും യാത്രയുടെ മറ്റ് വിവരങ്ങൾക്കുമായി പ്രത്യേക സജീകരണങ്ങളും ഏർപ്പെടുത്തിട്ടുണ്ട്. ഹെലികോപ്ട്ടർ സേവനങ്ങൾ, ക്യാമ്പുകൾ, യാത്രക്കാർക്കുള്ള ഇൻഷുറൻസ് പരിരക്ഷ എന്നിവയുൾപ്പെടെയുള്ളവയെ പറ്റി ഗവർണറുടെ നേതൃത്വത്തിൽ ക്ഷേത്ര അധികൃതരുമായി നടന്ന യോഗത്തിൽ ചർച്ചചെയ്തു.
ശ്രാവണ മാസത്തിലെ പൗർണ്ണമിയിലാണ് ശിവൻ പ്രത്യക്ഷപ്പെട്ടതെന്നാണ് വിശ്വാസം. അതിനാലാണ് ശ്രാവണമാസത്തിൽ അമർനാഥ് ക്ഷേത്രത്തിലേക്ക് തീർത്ഥാടനം നടത്തുന്നത്.
Comments