പ്രേക്ഷക പ്രശംസ നേടിയ മമ്മൂട്ടി ചിത്രം പേരൻപിന്റെ സംവിധായകൻ റാമിന്റെ പുതിയ ചിത്രം ‘ഏഴ് കടൽ ഏഴ് മലൈയിൽ’ അവസാനഘട്ടത്തിൽ. ചിത്രത്തിന്റെ ഡബ്ബിംഗ് ചെന്നൈയിൽ പൂർത്തിയായി. തമിഴ് കോമഡി താരം സൂരിയും ചിത്രത്തിൽ ഒരു പ്രധാനവേഷത്തിൽ എത്തുന്നു. തമിഴിൽ നിഷ്പ്രയാസം ഡബ്ബ് ചെയ്യുന്ന വീഡിയോ നിവിൻ പോളി തന്നെയാണ് സോഷ്യൽ മീഡിയയിൽ പങ്കുവെച്ചത്.
വളരെ മനോഹരമായി തമിഴിൽ ഡബ്ബ് ചെയ്യുന്ന വീഡിയോ ആണ് താരം പങ്കുവെച്ചിരിക്കുന്നത്. ഏറെ നാളുകൾക്ക് ശേഷമാണ് നിവിൻ പോളി ഒരു തമിഴ് ചിത്രത്തിൽ അഭിനയിക്കുന്നത്. പേരൻപിൽ പ്രധാന വേഷം അവതരിപ്പിച്ച അഞ്ജലിയാണ് ഈ ചിത്രത്തിലെ നായിക. യുവൻ ശങ്കർ രാജയുടെതാണ് സംഗീത സംവിധാനം.
Comments