ജൂഡ് ആന്റണി ജോസഫ് സംവിധാനം ചെയ്യുന്ന ‘2018 – എവരിവൺ ഈസ് എ ഹീറോ’യുടെ ട്രെയിലർ ഇതിനോടകം ശ്രദ്ധ നേടുന്നു. വമ്പൻ താരനിരയുമായാണ് ചിത്രം എത്തുന്നത്. മലയാളി ഒരിക്കലും മറക്കാത്ത വർഷമാണ് ‘2018’. മഹാപ്രളയം കേരളത്തെ ഒന്നാകെ വിഴുങ്ങിയ വർഷം. ആദ്യം ഭയത്തിന്റെയും ആശങ്കയുടെയും തോന്നിയെങ്കിലും പിന്നീടങ്ങോട്ട് ചെറുത്തു നിൽപ്പിന്റെയും കൂട്ടായ്മയുടെയും സ്നേഹത്തിന്റെയും ത്യാഗത്തിന്റെയും കഥകളായിരുന്നു. ഒറ്റകെട്ടായി കേരളക്കര പോരാടിയ ആ പ്രളയത്തെയും അതിന്റെ ചെറുത്തുനിൽപ്പുകളെയും ആധാരമാക്കി ഒരുക്കിയ ചിത്രമാണിത്.
പ്രതീക്ഷയും ആകാംഷയും ഒരുപോലെ സമ്മാനിച്ച ട്രെയിലറിന് സമൂഹ മാദ്ധ്യമങ്ങളിൽ മികച്ച പ്രതികരണമാണ് ലഭിക്കുന്നത്. പ്രളയ ദിനങ്ങളുടെ ഭീകരതയെയും തുടർന്നുണ്ടായ മനുഷ്യാവസ്ഥയെ യഥാർഥ്യമായി തോന്നുംവിധമാണ് ജനങ്ങൾക്ക് മുന്നിലെത്തിക്കാൻ ജൂഡും സംഘവും ശ്രമിച്ചിരിക്കുന്നതെന്ന് ട്രെയ്ലറിൽ നിന്ന് മനസ്സിലാക്കാം.
ടോവിനോ, കുഞ്ചാക്കോ ബോബൻ, ആസിഫ് അലി, വിനീത് ശ്രീനിവാസൻ, ഇന്ദ്രൻസ്, ലാൽ, നരേൻ, അപർണ്ണ ബാലമുരളി, തൻവി റാം, സുധീഷ്, സിദ്ദിഖ്, രഞ്ജി പണിക്കർ, ജാഫർ ഇടുക്കി, അജു വർഗ്ഗീസ്, ജിബിൻ ഗോപിനാഥ്, ഡോക്ടർ റോണി, ശിവദ, വിനിതാ കോശി തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
