ന്യൂഡൽഹി: രാജ്യത്തെ ആദ്യത്തെ കേബിൾ സ്റ്റേ റെയിൽ പാലത്തിന്റെ നിർമ്മാണം അതിവേഗം പുരോഗമിക്കുന്നു. ജമ്മു കശ്മീരിലെ റിയാസി ജില്ലയിൽ സ്ഥിതി ചെയ്യുന്ന ആഞ്ജി ഖാഡ് പാലത്തിന്റെ വീഡിയോ പങ്കുവെച്ച് കേന്ദ്ര റെയിൽവേ മന്ത്രി അശ്വിനി വൈഷ്ണവ്. 96 കേബിളുകളാണ് പാലത്തിലുള്ളത്. ആകെ 653 കിലോമീറ്ററിലാണ് പാലം സ്ഥിതി ചെയ്യുന്നത്. 11 മാസം മാത്രമെടുത്താണ് പാലം യാഥാർത്ഥ്യമായത്.
In 11 months, India’s first cable stayed rail bridge is ready.
All 96 cables set! #AnjiKhadBridge
PS: Total length of cable strands 653 km🌁 pic.twitter.com/CctSXFxhfa— Ashwini Vaishnaw (@AshwiniVaishnaw) April 28, 2023
‘ 11 മാസത്തിനുള്ളിൽ ഇന്ത്യയിലെ ആദ്യത്തെ കേബിൾ സ്റ്റേ റെയിൽ പാലം പൂർത്തീകരിച്ചു. 96 കേബിളുകളും സജ്ജമാക്കി. ആകെ നീളം 653 കിലോമീറ്റർ’ വീഡിയോ പങ്കുവെച്ച് റെയിൽവേ മന്ത്രി കുറിച്ചു. ആദ്യത്തെ കേബിൾ മുതൽ 96-ാമത്തെ കേബിൾ വരെ സജ്ജമാക്കുന്നതാണ് വീഡിയോയിലുള്ളത്. ജമ്മുവിൽ നിന്ന് റോഡ് മാർഗം 80 കിലോമീറ്ററോളം അകലെയാണ് പാലം സ്ഥിതി ചെയ്യുന്നത്. പാലത്തിന്റെ നിർമ്മാണം വരുന്ന മാസത്തോടെ പൂർത്തിയാക്കുമെന്നാണ് അധികൃതർ പറയുന്നത്.
Comments