ന്യൂഡൽഹി: ഇന്ത്യയുടെ പ്രധാന വാർത്ത ഏജൻസിയായ എഎൻഐയുടെ അക്കൗണ്ട് ബ്ലോക്ക് ചെയ്ത് ട്വിറ്റർ. അണ്ടർ ഏജ് (Under Age) ഉപയോഗം എന്ന് ചൂണ്ടിക്കാട്ടിയാണ് ട്വിറ്ററിന്റെ നടപടി. 7.6 ദശലക്ഷം ഫോളേവേഴ്‌സുളള ഇന്ത്യയിലെ ഏറ്റവും വലിയ വാർത്താ ഏജൻസിയാണ് എഎൻഐ.
എഎൻഐയുടെ അക്കൗണ്ട് ബ്ലോക്ക് ചെയ്‌തെന്ന് എഎൻഐയുടെ മേധാവി സ്മിതാ പ്രകാശാണ് ട്വീറ്റിലൂടെ അറിയിച്ചത്. 13 വയസിൽ താഴെയുള്ള വ്യക്തിയാണ് എന്ന് പറഞ്ഞാണ് ബ്ലോക്ക് എന്ന് ട്വിറ്റർ അയച്ച സന്ദേശത്തിൽ പറയുന്നു. ആദ്യം ഗോൾഡൻ ടിക്കും പിന്നീട് ബ്ലൂ ടിക്കും എടുത്തുമാറ്റി. ഇപ്പോൾ ബ്ലോക്ക് ചെയ്തു -ട്വിറ്റർ മേധാവി ഇലോൺ മസ്‌കിനെ ടാഗ് ചെയ്ത് സ്മിത ചോദിച്ചു.
So those who follow @ANI bad news, @Twitter has locked out India’s largest news agency which has 7.6 million followers and sent this mail – under 13 years of age! Our gold tick was taken away, substituted with blue tick and now locked out. @elonmusk pic.twitter.com/sm8e765zr4
— Smita Prakash (@smitaprakash) April 29, 2023
മസ്‌ക് ട്വിറ്റർ മേധാവി സ്ഥാനം ഏറ്റെടുത്തതോടെയാണ് ഇത്രമാത്രം പ്രശ്‌നങ്ങൾ ഉടലെടുത്തതെന്ന് ഉപയോക്താക്കൾ ആരോപിക്കുന്നു. എഎൻഐയ്ക്ക് പിന്നാലെ കാരണം വ്യക്തമാക്കാതെ എൻഡിടിവിയുടെ ട്വിറ്റർ അക്കൗണ്ടും കാണാതായിരുന്നു. ഇതിന് പിന്നാലെ പ്രതിഷേധവുമായി നിരവധി പേർ രംഗത്തെത്തിയിരുന്നു. തുടർന്ന് ട്വിറ്റർ ബ്ലോക്ക് മാറ്റി. താത്കാലിക തടസം നേരിട്ടതിൽ ഖേദം പ്രകടിപ്പിക്കുന്നുവെന്നാണ് ട്വിറ്റർ നൽകുന്ന മറുപടി.
