ലോകത്തിലെ ഏറ്റവും കൂടുതൽ പ്രതിഫലം പറ്റുന്ന കായിക താരങ്ങളിൽ ഒന്നാം സ്ഥാനം ക്രിസ്റ്റ്യാനോ റൊണാൾഡോയ്ക്ക്. കഴിഞ്ഞ ഒരു വർഷത്തെ വരുമാനം 1,112 കോടി രൂപയാണ്. ഫോബ്സ് മാസികയാണ് ഇത് സംബന്ധിച്ച കണക്കുകൾ പുറത്തുവിട്ടത്. 2018 ശേഷം ഇത് ആദ്യമായാണ് ക്രിസ്റ്റ്യാനോ ഒന്നാം സ്ഥാനത്തിന് അർഹനായത്. അടുത്തിടെ ക്ലബ്ബ് മാറ്റത്തിലൂടെ വൻ പ്രതിഫലമാണ് ക്രിസ്റ്റ്യാനോ തേടിയെത്തിയത്. 1,118 കോടി രൂപയ്ക്കാണ് ക്ലബ് താരത്തെ സ്വന്തമാക്കിയത്.
ലയണൽ മെസിയാണ് അതിസമ്പന്നരായ കായികതാരങ്ങളുടെ പട്ടികയിൽ രണ്ടാം സ്ഥാനത്ത്. 1,062 കോടി രൂപയാണ് മെസിയുടെ വാർഷിക വരുമാനം. കുറഞ്ഞ കാലയളവുകൊണ്ട് ഫുട്ബോൾ ആരാധകർക്കിടയിൽ തരംഗമായി മാറിയ കിലിയൻ എംബെപ്പെ പട്ടികയിൽ മൂന്നാം സ്ഥാനത്തുണ്ട്. 980 കോടി രൂപയാണ് എം ബാപ്പയുടെ വാർഷിക പ്രതിഫലം. ക്രിക്കറ്റ് താരങ്ങൾ ആരും തന്നെ ആദ്യ പത്തിൽ ഉൾപ്പെട്ടിട്ടില്ല. എന്നാൽ രണ്ട് ഗോൾഫ് താരങ്ങളും മൂന്ന് ബാസ്ക്കറ്റ്ബോൾ താരങ്ങളും അതിസമ്പന്നരായ കായികതാരങ്ങളുടെ പട്ടികയിൽ ഇടം പിടിച്ചിട്ടുണ്ട്.
ബാസ്കറ്റ് ബോൾ താരങ്ങളായ ലെബ്രോൺ ജെയിംസ് (972),ബോക്സിങ് താരമായ കനോല അൽവാരിസ് ( 898 കോടി ), ഗോൾഫ് താരം ഡസ്റ്റിൻ ജോൺസൻ (874 കോടി ) എന്നിവരാണ് പട്ടികയിൽ ഇടംപിടിച്ച മറ്റു താരങ്ങൾ.
Comments