ദോഹ ഡയമണ്ട് ലീഗിൽ മിന്നും പ്രകടനം കാഴ്ച വെച്ച് ഇന്ത്യൻ ജാവലിൻ താരം നീരജ് ചോപ്ര. ഖത്തർ സ്പോർട്സ് ക്ലബ്ബിൽ നടന്ന ടൂർണമെന്റിൽ ആദ്യത്തെ ശ്രമത്തിൽ 88.67 മീറ്റർ എറിഞ്ഞിട്ടാണ് നീരജ് ചോപ്ര സ്വർണമണിഞ്ഞത്. കരിയറിലെ ഏറ്റവും മികച്ച നാലാമത്തെ ദൂരമാണ് നീരജ് ഇത്തവണ താണ്ടിയത്.
നീരജിന്റെ സ്വർണ നേട്ടത്തിന് പിന്നാലെ പ്രധാനമന്ത്രി നരേന്ദ്രമോദി അഭിനന്ദനവുമായെത്തി.’ ഈ വർഷത്തെ ആദ്യ മത്സരം, ആദ്യ സ്ഥാനം എന്നാണ് പ്രധാനമന്ത്രി ട്വിറ്ററിൽ കുറിച്ചത്. സ്വർണം നേടി ദോഹ ഡയമണ്ട് ലീഗിൽ തിളങ്ങിയ നീരജ് ചോപ്രയ്ക്ക് അഭിനന്ദനങ്ങൾ. മുന്നോട്ടുള്ള പ്രയത്നങ്ങൾക്ക് ആശംസൾ’- പ്രധാനമന്ത്രി പറഞ്ഞു.
First event of the year and first position!
With the World lead throw of 88.67m, @Neeraj_chopra1 shines at the Doha Diamond League. Congratulations to him! Best wishes for the endeavours ahead. pic.twitter.com/UmpXOBW7EX
— Narendra Modi (@narendramodi) May 6, 2023
നിരവധി പേരാണ് നീരജ് ചോപ്രയ്ക്ക് അഭിനന്ദനവുമായെത്തിയത്. കേന്ദ്ര യുവജനകാര്യ, കായിക മന്ത്രി അനുരാഗ് ഠാക്കൂറും അദ്ദേഹത്തിന്റെ സ്വർണ നേട്ടത്തിന് ആശംസകളുമായെത്തി. ‘നീരജ് ചോപ്രയുടെ ഇന്നത്തെ മത്സരം അത്ഭുതകരമായിരുന്നു. രാജ്യത്തിന്റെ അഭിമാനം വാനോളം ഉയർത്തിയ യഥാർത്ഥ ചാമ്പ്യൻ. ഈ തകർപ്പൻ വിജയത്തിന് അഭിനന്ദനങ്ങൾ’-എന്നാണ് കായികമന്ത്രി കുറിച്ചത്.
Neeraj Chopra wins! 🇮🇳
With a thunderous throw of 88.67m, he dominated the Doha Diamond League and brought glory home. A true champion who has made the nation proud again.
Congratulations Neeraj on this stupendous win! 🎉 pic.twitter.com/WqtkG4EdNs
— Anurag Thakur (@ianuragthakur) May 5, 2023
ആദ്യ ശ്രമത്തിൽ തന്നെ മികച്ച ദൂരം താണ്ടിയ നീരജ് ബാക്കിയുള്ള അവസരങ്ങളിൽ 90 മീറ്റർ കടക്കും എന്ന പ്രതീക്ഷയുണ്ടാക്കിയിരുന്നു. എന്നാൽ നിലവിലെ ലോക ചാമ്പ്യനായ ആൻഡേഴ്സൺ പീറ്റേഴ്സ് 85.88 മീറ്റർ എറിഞ്ഞതോടെ മത്സരം കടുപ്പമായി. അഞ്ച് അവസരങ്ങളിലായി 88.67 മീറ്റർ, 86.04 മീറ്റർ, 85.47 മീറ്റർ, ഫൗൾ, 84.37 മീറ്റർ, 86.52 മീറ്റർ എന്നീ ദൂരങ്ങളാണ് നീരജ് താണ്ടിയത്.88.63 മീറ്ററും 88.47 മീറ്ററും താണ്ടിയ ചെക്ക് താരം ജാകുബ് വാഡിലെജ്ക് ആണ് രണ്ടാം സ്ഥാനത്തെത്തിയത്.
