മലയാളികൾക്ക് പ്രിയപ്പെട്ട നടിയാണ് അപർണ ബാലമുരളി. തന്റെ അഭിപ്രായങ്ങൾ ഏത് വേദിയിലും വ്യക്തമാക്കുന്ന താരം എന്ന നിലയിലും അപർണ എപ്പോഴും പ്രേക്ഷകശ്രദ്ധ നേടാറുണ്ട്. ഒരു പൊതു പരിപാടിയിൽവെച്ച് തന്റെ കൈയ്യിൽ കയറി പിടിച്ച വ്യക്തിയോട് പ്രതികരിച്ചതും ഏറ്റവും നല്ല ഉദാഹരണമാണ്. ഇപ്പോഴിതാ ഇക്കാര്യത്തെ കുറച്ച് പറഞ്ഞ് രംഗത്തെത്തിയിരിക്കുകയാണ് താരം.
എന്റെ കൈയ്യിൽ ആര് കയറി പിടിച്ചാലും ഞാൻ അങ്ങനെയായിരിക്കും പ്രതികരിക്കുക. എനിക്ക് കംഫർട്ടബിൾ ആയിട്ടുള്ള ആളുകൾക്കൊപ്പം ഞാൻ വളരെ കംഫർട്ടബിൾ ആയിരിക്കും. അതായത് എനിക്ക് വളരെ ക്ലോസ് ആയിട്ടുള്ള ആളുകളുടെ കൂടെ. എന്നെ സംബന്ധിച്ചടത്തോളം ഒരു മ്യൂച്വൽ റെസ്പക്ട് ആണ് എനിക്ക് വലുത്. എന്റെ കൈയ്യും പിടിച്ച് എന്റെ തോളിൽ വളരെ അഗ്രസീവായി പിടിക്കുന്ന ഒരാളെ തിരിച്ച് എനിക്ക് എന്റർടെയ്ൻ ചെയ്യാൻ സാധിക്കില്ല.
ഞാനൊരു സാധാരണ പെൺകുട്ടിയാണ്, ഒരു സ്ത്രീയാണ്. ആരെയാണെങ്കിലും അത് ചെയ്യരുത്. എന്നെ എന്നല്ല ആരുടെ ദേഹത്ത് ആണെങ്കിലും ആ ലിബർട്ടി എടുക്കരുത്. അതിന് സ്റ്റാർഡം ഇല്ല, സ്ഥാനങ്ങളില്ല, ജെൻഡർ ഇല്ല ഒന്നുമില്ല. നമ്മുടെ പ്രൈവസിയാണ്. അതിൽ എനിക്ക് അറിയാത്ത ആരു തൊട്ടാലും ഞാൻ അൺകംഫർട്ടബിൾ ആകും, അതിൽ തർക്കമില്ല. എന്ന അപർണയുടെ വാക്കുകൾ ജനശ്രദ്ധ നേടുകയാണ്.
