എത്ര അസഹിഷ്ണുതയുണ്ടെങ്കിലും ചില കഥകൾ പറയാതിരിക്കാൻ സാധിക്കില്ലെന്ന് ദി കേരള സ്റ്റോറിയുടെ പോസ്റ്റർ പങ്കുവെച്ച് നടി ആദാ ശർമ്മ. ചിത്രത്തിലെ പ്രധാന നായികയാണ് ആദാ ശർമ്മ. ദി കേരള സ്റ്റോറി കാണാൻ നിങ്ങൾക്ക് ധൈര്യമുണ്ടോ? എന്ന് ചോദിച്ചുകൊണ്ടാണ് നടി പോസ്റ്റർ സമൂഹമാദ്ധ്യമത്തിലൂടെ പങ്കുവെച്ചത്. നിരവധി പേരാണ് നടിയുടെ പോസ്റ്റിനെ അനുകൂലിച്ച് രംഗത്തു വന്നത്. ഇസ്ലാമിക ഭീകരതയെയും ലൗ ജിഹാദിനെയും തുറന്നുകാട്ടുന്ന ചിത്രമാണ് ദി കേരള സ്റ്റോറി.
കേരളത്തിൽ നിന്ന് കാണാതായ സ്ത്രീകളെ മതപരിവർത്തനം നടത്തി രാജ്യത്തിനകത്തും പുറത്തും ഭീകരപ്രവർത്തനത്തിന് ഉപയോഗിക്കുന്നതുമാണ് കേരള സ്റ്റോറിയുടെ ഇതിവൃത്തം. നിഷ്കളങ്കരായ പെൺകുട്ടികളെ എങ്ങനെ ഭീകരവാദത്തിന്റെ ഉപകരണങ്ങളാക്കി മാറ്റുന്നുവെന്ന് ചിത്രീകരിക്കുന്ന സിനിമയാണ് കേരള സ്റ്റോറി. ലൗ ജിഹാദിന്റെ കാണാപ്പുറങ്ങളിലേക്ക് വെളിച്ചം വീശുന്ന സിനിമയെ ഇരും കൈയും നീട്ടിയാണ് പ്രേക്ഷകർ സ്വീകരിച്ചത്. അതിന് ഉദാഹരണമാണ് ഹൗസ്ഫുൾ പ്രദർശനങ്ങൾ.
റിലീസിനെത്തി മൂന്ന് ദിവസങ്ങൾ കൊണ്ട് ചിത്രം നേടിയത് 35 കോടിയിലധികം കളക്ഷനാണ്. മെയ്-5ന് റിലീസ് ചെയ്ത ചിത്രത്തിന്റെ രണ്ട് ദിവസത്തെ കളക്ഷൻ ഏകദേശം 20 കോടി രൂപയാണ്. ഞായറാഴ്ച മാത്രം ചിത്രം നേടിയത് ഏകദേശം 16.50 കോടി രൂപയാണ്. ഹിന്ദിയിൽ മാത്രം ചിത്രം 52.92 ശതമാനം കളക്ഷൻ നേടി. സുദീപ്തോ സെൻ രചനയും സംവിധാനവും നിർവഹിച്ച ചിത്രത്തിൽ ആദാ ശർമയാണ് നായിക.വിപുൽ ഷാ ആണ് ചിത്രം നിർമ്മിച്ചിരിക്കുന്നത്.ചിത്രത്തെ പരാമർശിച്ചതിന് പ്രധാനമന്ത്രി നരേന്ദ്രമോദിയ്ക്ക് നായിക ആദാ ശർമ നന്ദി പറഞ്ഞു. ചിത്രത്തിന് തിയേറ്ററുകളിൽ നിറഞ്ഞ കൈയടിയാണ് ലഭിക്കുന്നത്. പ്രധാനമന്ത്രി ഉൾപ്പെടെയുള്ളവർ ചിത്രത്തെ പരാമർശിച്ചു.
