കാസർകോട് കോൺഗ്രസിൽ നേതാക്കൾ തമ്മിൽ ചേരിപ്പോര്. ലോകസഭ തിരഞ്ഞെടുപ്പ് പടിവാതിൽക്കൽ എത്തിനിൽക്കുമ്പോൾ നേതാക്കൾ തമ്മിലുള്ള ചേരിപ്പോര് തലവേദനയായി മാറുകയാണ് കോൺഗ്രസിന്. ഡിസിസി പ്രസിഡന്റും ജില്ലാ നേതാക്കളും തമ്മിലുള്ള പ്രശ്നം ഇതുവരെയും പരിഹരിക്കാൻ സാധിച്ചിട്ടില്ല. കെപിസിസിയുടെ മുതിർന്ന നേതാക്കൾ നേരിട്ട് എത്തിയിട്ടും പരിഹാരമായിട്ടില്ല.
രാജ്മോഹൻ ഉണ്ണിത്താനെതിരെയും കോൺഗ്രസിൽ പോര് മുറുകുകയാണ്. കർണാടക തിരഞ്ഞെടുപ്പ് പ്രചാരണത്തിനിടെ എസ്ഡിപിഐ പ്രവർത്തകരോട് പിന്തുണ അഭ്യർത്ഥിച്ചതാണ് എംപിയ്ക്കെതിരെ ജില്ലാ നേതാക്കളുടെ വിരോധത്തിന് കാരണം. ഒരു വിഭാഗം കോൺഗ്രസ് നേതാക്കൾ ഉണ്ണിത്താനെതിരെ വലിയ പോരാണ് കോൺഗ്രസിൽ നടത്തുന്നത്.
തിരഞ്ഞെടുപ്പിൽ എസ്ഡിപിഐയുടെ പിന്തുണ ആവശ്യപ്പെടുന്ന രാജ്മോഹൻ ഉണ്ണിത്താന്റെ വിവാദ വീഡിയോ പ്രചരിച്ചിരുന്നു. ജില്ലയിലെ നേതാക്കൾ തമ്മിലുള്ള തർക്കങ്ങൾ പരിഹരിക്കനായി കെപിസിസി നേത്യത്വം ഇടപ്പെട്ടിട്ടും കാര്യമായ പുരോഗതി ഉണ്ടായിട്ടില്ല. പ്രശ്നപരിഹാരത്തിനായി പ്രത്യേക സമിതി രൂപീകരിക്കാനും കോൺഗ്രസ് തീരുമാനിച്ചു.
