ചുരുങ്ങിയ ചിത്രം കൊണ്ട് തന്നെ തെന്നിന്ത്യയിൽ ആരാധകരെ ഉണ്ടാക്കിയ താരമാണ് വിജയ് ദേവരക്കൊണ്ട. മെയ് ഒമ്പതിനായിരുന്നു താരത്തിന്റെ ജന്മദിനം. സാധാരണ താരങ്ങൾ ജന്മദിനത്തിൽ ആരാധകർക്കായി എന്തെങ്കിലും സർപ്രൈസുകൾ ഒരുക്കാറുണ്ട്. കൂടുതലും താരങ്ങലുടെ പുതിയ ചിത്രത്തിന്റെ അനൗൺസ്മെന്റുകളോ എന്തെങ്കിലും അയിരിക്കും കരുതി വെക്കുക. എന്നാൽ വിജയ് തന്റെ ആരാധകർക്കായി ഒരുക്കിയ സമ്മാനം ഏറെ കൗതുകമുണർത്തിയിരിക്കുകയാണ്.
വിവിധ നഗരങ്ങളിലുള്ള തന്റെ ആരാധകർക്ക് ഐസ്ക്രീം വിതരണം ചെയ്തായിരുന്നു താരം ജന്മദിനം ആഘോഷിച്ചത്. ഹൈദരാബാദ്, വിശാഖപട്ടണം, ചെന്നൈ, ബെംഗലൂരു, മുംബൈ, പുനെ, ഡൽഹി എന്നിവിടങ്ങളിലാണ് വിജയ് ആരാധകർക്ക് മധുരം നൽകിയത്. ‘ദ ദേവരകൊണ്ട ബെർത്ഡേ ട്രക്ക്’ എന്ന പേരിൽ ഒരു ട്രക്ക് ഇറക്കിയാണ് താരം പിറന്നാൾ ഐസ്ക്രീം വിതരണം ചെയ്തത്.
ഇതിനോടൊപ്പം തന്റെ ക്ലോത്തിംഗ് ബ്രാൻഡായ ‘റൗഡി വെയറി’നിന്ന് തന്റെ പിറന്നാൾ പ്രമാണിച്ച് 60 ശതമാനം ഡിസ്കൗണ്ട് ഏർപ്പെടുത്തിയതായും ദേവരകൊണ്ട അറിയിച്ചു.സാമന്തയ്ക്കൊപ്പമെത്തുന്ന പുതിയ ചിത്രമായ ‘ഖുഷി’യിലെ ഗാനം പുറത്തിറങ്ങിയ സന്തോഷവും താരം ആരാധകരുമായി പങ്കുവച്ചിരുന്നു.
Comments