ശ്രീനഗർ: ശ്രീനഗറിലെ ലാൽചൗക്കിനടുത്തുള്ള അബി ഗുസാറിൽ സ്ഥിതി ചെയ്യുന്ന നവീകരിച്ച ശിവക്ഷേത്രം സന്ദർശിച്ച് ജമ്മു കശ്മീർ ലെഫ്റ്റനന്റ് ഗവർണർ മനോജ് സിൻഹ.ചരിത്ര പ്രസിദ്ധമായ ശിവക്ഷേത്രമാണിത്. 2014-ലെ വെള്ളപ്പൊക്കത്തിൽ കേടുപാടുകൾ സംഭവിച്ചതിനെ തുടർന്ന് ശ്രീനഗർ സ്മാർട്ട് സിറ്റി പദ്ധതി പ്രകാരം ശിവക്ഷേത്രം നവീകരിച്ചിരുന്നു. ഇതിന് പിന്നാലെയാണ് സിൻഹ ക്ഷേത്രത്തിൽ ദർശനം നടത്തിയത്. ദർശന വേളയിൽ മനോജ് സിൻഹ ക്ഷേത്രത്തിലെ പൂജാരിയ്ക്കൊപ്പം ആരതി നടത്തുകയും ചെയ്തിരുന്നു.
സന്ദർശനത്തിന് ശേഷം കശ്മീരിൽ നടക്കാനിരിയ്ക്കുന്ന ജി-20 ഉച്ചകോടിയ്ക്ക് മുന്നോടിയായി വിവിധ വികസന പദ്ധതികളുമായി ബന്ധപ്പെട്ട ചിത്രങ്ങളും അദ്ദേഹം പങ്കുവെച്ചു. കൂടാതെ ശ്രീനഗർ സ്മാർട്ട് സിറ്റിയുടെ മൂന്ന് പദ്ധതികളാണ് ഉദ്ഘാടനം ചെയ്തത്. ഇതിൽ 11 നഗര തദ്ദേശ സ്ഥാപനങ്ങളുടെ 16 വികസന പദ്ധതികളും കൂടാതെ 10 നഗര തദ്ദേശ സ്ഥാപനങ്ങളിൽ ഒമ്പത് ഖരമാലിന്യ സംസ്കരണ സൗകര്യങ്ങൾ എന്നിവയുടെ ഉദ്ഘാടനമാണ് നിർവഹിച്ചത്.
