ബെംഗളുരു: കർണ്ണാടക നിയമസഭാ തിരഞ്ഞെടുപ്പിൽ ജെഡിഎസ് പാർട്ടി തലവൻ എച്ച്.ഡി കുമാരസ്വാമിയുടെ മകനും മുൻ പ്രധാനമന്ത്രിയും ജെഡിഎസ് അദ്ധ്യക്ഷനുമായിരുന്ന എച്ച്. ഡി ദേവഗൗഡയുടെ ചെറുമകനുമായ നിഖിൽ കുമാരസ്വാമിയ്ക്ക് തോൽവി. രാമനഗര മണ്ഡലത്തിൽ കോൺഗ്രസ് സ്ഥാനാർത്ഥി എച്ച്.എ ഇഖ്ബാലാണ് വിജയിച്ചത്.
എച്ച്.എ ഇഖ്ബാൽ ഹുസൈൻ 76,634 വോട്ടുകൾ നേടിയപ്പോൾ നിഖിൽ കുമാരസ്വാമിക്ക് 65,788 വോട്ടുകളെ നേടാനായുള്ളൂ. ഏകദേശം 10,846 വോട്ടിന്റെ ഭൂരിപക്ഷം കോൺഗ്രസ് നേടിയത്. എന്നാൽ നിഖിലിന്റെ തോൽവി തിരഞ്ഞെടുപ്പ് കമ്മീഷൻ ഔദ്യോഗികമായി പ്രഖ്യാപിച്ചില്ലെങ്കിലും ഇനി വലിയ മാറ്റം വരാൻ സാധ്യതയില്ലെന്നാണ് പുറത്തുവരുന്ന റിപ്പോർട്ടുകൾ.
ചലച്ചിത്ര അഭിനേതാവ് കൂടിയായ നിഖിലിന്റെ തിരഞ്ഞെടുപ്പിലെ രണ്ടാം തോൽവിയാണിത്. മുൻപ് ലോക്സഭാ തിരഞ്ഞെടുപ്പിലും നിഖിൽ തോറ്റിരുന്നു. 2019-ലെ ലോക്സഭ തിരഞ്ഞെടുപ്പിൽ മാണ്ഡ്യയിൽ നിന്നായിരുന്നു നിഖിൽ കുമാരസ്വാമി മത്സരിച്ചത്. സ്വതന്ത്ര സ്ഥാനാർഥിയായി മത്സരിച്ച നടി സുമലതയോട് ഒന്നേകാൽ ലക്ഷത്തിലേറെ വോട്ടുകൾക്കാണ് നിഖിൽ തോൽവി നേരിട്ടത്.
