ബെംഗളൂരു: കർണാടക നിയമസഭ തിരഞ്ഞെടുപ്പിൽ കോൺഗ്രസ് വിജയിച്ചതിന് പിന്നാലെ പാകിസ്താൻ സിന്ദാബാദ് വിളിച്ച് പ്രവർത്തകരുടെ ആഘോഷം. കർണാടകയിലെ ബെലഗാവിയിലാണ് കോൺഗ്രസിന്റെ വിജയത്തിൽ മതിമറന്ന് പ്രവർത്തകർ പാകിസ്താന് ജയ് വിളിച്ചത്. പോലീസ് ഉദ്യോഗസ്ഥർ നോക്കി നിൽക്കെയാണ് കൊച്ചു കുട്ടികളടക്കം ഇന്ത്യാ വിരുദ്ധ മുദ്രാവാക്യങ്ങൾ മുഴക്കിയത്.
കോൺഗ്രസിന്റെ പതാക വീശിക്കൊണ്ടായിരുന്നു ആഘോഷ പ്രകടനം. ഇതിനിടെയാണ് വലിയ ഒരു കൂട്ടം പ്രവർത്തകർ പാകിസ്താൻ സിന്ദാബാദ് മുഴക്കിയത്. പിന്നാലെ പോലീസ് ഉദ്യോഗസ്ഥർ മുദ്രാവാക്യം വിളിച്ചവരോട് ദേഷ്യപ്പെടുകയും ചെയ്തു. ഇതിന്റെ വീഡിയോ സമൂഹമാദ്ധ്യമങ്ങളിൽ വലിയ വിമർശനങ്ങൾക്കാണ് വഴിതുറന്നിരിക്കുന്നത്. ബെലഗാവി നോർത്തിൽ നിന്നുള്ള കോൺഗ്രസിന്റെ ആസിഫ് രാജു സെയ്ത് വിജയിച്ചതിന് പിന്നാലെയാണ് ഇന്ത്യാ വിരുദ്ധ മുദ്രാവാക്യങ്ങൾ മുഴങ്ങിയത്.
“Pakistan Zindabad” Slogans raised in Belagavi, Karnataka
That too in front of the police. Wow!
pic.twitter.com/p8KaOi69e2— BALA (@erbmjha) May 13, 2023
എസ്ഡിപിഐ-പിഎഫ്ഐ പ്രവർത്തകരുടെയും തീവ്ര ഇസ്റ്റാമിസ്റ്റുകളുടെയുമടക്കം വോട്ട് കോൺഗ്രസിന് ലഭിച്ചു എന്ന ആരോപണം ശക്തമായി നിൽനിൽക്കെയാണ് പരസ്യമായി പാകിസ്താന് ജയ് വിളിച്ച് പ്രവർത്തകർ പ്രകടനം നടത്തിയത്. ഇതിനെതിരെ പ്രതിഷേധം ശക്തമാണ്. നിരവധി പേരാണ് കോൺഗ്രസ് പ്രവർത്തകരുടെ വീഡിയോ സമൂഹമാദ്ധ്യമങ്ങളിൽ പങ്കുവെച്ചുകൊണ്ട് പ്രതിഷേധം രേഖപ്പെടുത്തുന്നത്.
