ന്യൂഡൽഹി: റോസ്ഗർ മേളയിൽ 71,000 നിയമന കത്തുകൾ പ്രധാനമന്ത്രി നരേന്ദ്രമോദി നാളെ വിതരണം ചെയ്യും. വീഡിയോ കോൺഫറൻസ് വഴിയാണ് നിയമിക്കപ്പെട്ടവർക്ക് കത്തുകൾ വിതരണം ചെയ്യുന്നത്. 10 ലക്ഷം സർക്കാർ ജോലികൾ നൽകാൻ പദ്ധതിയിടുന്ന റോസ്ഗർ മേളയുടെ ആദ്യ ഘട്ടം ഒക്ടോബർ 22-ന് പ്രധാനമന്ത്രി ഉദ്ഘാടനം ചെയ്തിരുന്നു.
രാജ്യത്തുടനീളം 45 സ്ഥലങ്ങളിലായാണ് റോസ്ഗർ മേള നടക്കുന്നത്. കേന്ദ്ര സർക്കാർ വകുപ്പുകളിലും സംസ്ഥാന സർക്കാരിലുടനീളം നിയമനങ്ങൾ നടക്കുന്നുണ്ട്. ഗ്രാമിൻ ഡാക് സേവക്‌സ്, ഇൻസ്‌പെക്ടർ പോസ്റ്റ്‌സ്, കോമേഴ്സ്സ്യൽ-കം-ടിക്കറ്റ് ക്ലാർക്ക്, ജൂനിയർ ക്ലാർക്ക്-കം-ടൈപ്പിസ്റ്റ്, ജൂനിയർ അക്കൗണ്ട്സ്, ട്രാക്ക് മെയിൻറർ, അസിസ്റ്റന്റ് സെക്ഷൻ തുടങ്ങിയ വിവിധ തസ്തികകളിലാണ് നിലവിൽ നിയമനങ്ങൾ നടക്കുന്നത്.
തൊഴിലവസരങ്ങൾ സൃഷ്ടിക്കുന്നതിനായുള്ള ചുവടുവെയ്പ്പാണ് റോസ്ഗർ മേള. യുവാക്കളുടെ ശാക്തീകരണത്തിനും ദേശീയ വികസനത്തിനും റോസ്ഗർ മേളയിലൂടെ നിരവധി അവസരങ്ങളാണ് ലഭ്യമാകുന്നത്. പുതുതായി നിയമിതരായവർക്ക് സർക്കാർ വകുപ്പുകളിലെ നിയമനങ്ങൾക്ക് വേണ്ടിയുള്ള ഓൺലൈൻ ഓറിയന്റേഷൻ കോഴ്‌സായ കർമ്മയോഗി വഴി സ്വയം പരിശീലിപ്പിക്കാനുള്ള അവസരവും നൽകുമെന്ന് ഉന്നതവൃത്തങ്ങൾ അറിയിച്ചു.
